[بودىبودى]

شعبان البقال

عقبال الأنجال

اتوظف و اتنظف

و اتعدل له الحال



من بعد الجلابية

و الفوطة الدبلان

ف رقبته المهرية

من هبش الأكلان

و الدوحة الأزلية

و النوم ف الدكان

بقى صاحب

عربية

و عمارة

و سكان

تلقاه للصحبية

سهران

ع الكونكان

و ينام للعصرية

كبقيت الأعيان

و سألت الخضرية

و بتوع الدخان

ع الحكمة الالهية

في نظافة شعبان

و عرفت ان اخانا

شعبان ابن بهانة

ااتجوز فنانة

و اتعين فنان

ايه رايكم بقى لو الكل يتعين فنان حياته هتتشقلب
يلا خير