[ua07]

من هم الألتراس؟
الألترا أنسان متفرد فهو لا يماك أسم مميز لكن أصدقأوه يعرفونه جيدا,وجهه غير مألوف أذ يغطى رأسه معظم الوقت يغطى وجهه بالوشاح, الألترا لا ينساق وراء التقاليع و الظواهر الجديدة,الألتراس متميز بالفطرة فعندما يمشى فى الشارع يمكنك معرفته بسهولة رغم عدم أرتدائه زى الفريق, الألترا مش بتغير أول ما يشيل زى المجموعة أو الكوفية عن وشه أنما بيفضل ألترا على طول .



الألتراس ممكن مختلفين عن بعض لكن كلهم بيجمع بينهم أنهم مرتبطين بعلاقة حب من نوع خاص بالنادى, حب بيديهم دافع أنهم يقفوا 90 دقيقة لمدة تسعين دقيقة من الغناء و التشجيع فى وسط البرد القارس لكنهم مش بيحسوا بيه بسبب الدفء اللى بيبثه فيهم حماسهم للفريق و أنهماكهم فى التشجيع و الغناء باعلى صوت و كأنهم بيسمعوا كل العالم صوتهم و يعرفوه مدى حبهم و عشقهم للفريق, الحب اللى يخليهم يسافروا وراء الفريق فى كل مبارياته الخارجية و يهون عليهم مشقة الطريق و يخليهم يسيبو بيوتهم و يناموا فى الأوتوبيسات فى الطريق, مش بس حب الفريق, أنما كمان حب المجموعة اللى بيربط ما بين الألتراس و بعضهم و ترابطهم اللى بيبان سواء فى تجمعهم مع بعض فى المدن اللى بيسافروا ليها مع بعض, بيبان فى الوجبة اللى مش بتكفى شخص واحد بس تلاقيها متقسمة على كذا شخص ميتين من الجوع بعد يوم طويل متعب, بيكونوا كلهم مجتمعين على هدف واحد, فكر واحد, منهاج واحد, و حلم واحد,و فرحة واحدة جوا كل واحد فيهم لنصر حققه فريقهم أو نجاح لأى عمل من أعمال المجموعة

و الألترا المخضرم بيمثل قدوة للأالترا الجديد و الأصغر و بيحس ناحيته بكل تقدير و أحترام, يقف بجانبه فى المباريات فخور بالمكانة اللى وصل ليها, يسمع و يتقبل كل ملاحظانه و أنتقادته له, لأنه عارف أن الهدف الأساسى من ده كله هو الصالح العام للمجموعة

و الألتراس على أختلاف شخصياتهم, خلفياتهم أو طبائعهم لكن كلهم بينهم عامل مشترك أما أهالى قلقين على أبنهم من التعب أو المخاطرو المشاكل اللى ممكن يتعرض لها فى مسيرة مساندته للفريق ,أو أصدقاء متعجبين من غرابة تصرفات صاحبهم, أو مدرسين غاضبين من تلميذهم اللى بيغيب عن مدرست ه أو جامعته عشان يروح ورا الفريق, أو مدير خلاص حيتجنن من الموظف بتاعه أللى بيغيب برضه و هو عارف أن ده ممكن يكلفه خصومات أو جزاءات, لصديقة أو زوجة غيورة من حب النادى اللى أكبر من حبه ليها .



الخلاصة أن الألتراس مش مجرد فكر أو تقليد أو حاجة بتحاول تقنع نفسك بيها, الألتراس هو طريقة حياة كاملة بتأثر على جميع أفكارك و تصرفاتك و كلامك, بتحاول تدافع عنها ضد التعنتات الأجتماعية و وسائل الأعلام المختلفة ,لأن الألتراس مش عنف غير مبلرر أو نظام معمول للتخريب بالعكس اللتراس بيمثل قمة الوفاء و الأنتماء و الرجولة الموجودين فى كرة القدم.. الألتراس بتعنى الأستمتمتاع بكل لحظة تشجع فيها فريقك لأنك بتحس بكل جوارحك بحلاوة لحظات الأنتصار و مرارة الأنكسار , الألتراس مستحيل ان يتقبلها من هو غير مستعد أنه يكسر حواجز المألوف و المعتاد و أنه يطلق العنان لمشاعره .


التراس اهلاوي ... المنهاج و الفكر

ظهرت مجموعة ألتراس أهلاوي إلى الوجود لتتميز عن أي رابطة أخرى سبقتها إلى الملاعب
فالتواجد الرسمي لألتراس أهلاوي تحقق بعد فترة طويلة من العمل الدءوب و الأداء المتميز داخل المدرجات و خارجها، بعكس المعتاد في الروابط الأخرى التي تعتمد على الاجتماع و التخطيط المسبق قبل قيامها بأي خطوة لظهورها.

لكن ألتراس أهلاوي غيرت تلك المفاهيم
فأعمالنا خلال الموسم السابق عرَفت عنا قبل أي إعلان رسمي

نهدف في المقام الأول إلى توحيد الجماهير الأهلاوية تحت راية حب الأهلي و ليس زرع الخلافات و الانقسامات بينها. و لا أدل على ذلك من نجاحنا في جذب العديد من المشجعين المنتمين إلى الروابط الأخرى "رابطة مشجعي الأهلي، و رابطة محبي الأهلي، و غيرهما من الروابط الأهلاوية المتواجدة" و ذلك النجاح مرجعه اقتناع عشاق الأهلي بأفكارنا و أهدافنا و شغفنا البالغ بحب نادينا.. النادي الأهلي

لا تحركنا أي أغراض سوي تشجيع فريقنا.. لنكون الحارس الأمين على حقوقه و حقوق جماهيره "فمن يجرؤ على تجاوز الخطوط الحمراء سيواجهنا أولاً، لذا عليه أن يفكر ملياً قبل الإقدام على ذلك".

العين بالعين و السن بالسن

رؤيتنا :

تشجيع نادينا الحبيب الأهلي بكل الطرق و الأساليب.

السعي لأن نكون أفضل مجموعة ألتراس في أفريقيا و الشرق الأوسط و منافسة مجموعات الألتراس الأوروبية.

مهمتنا :


ألتراس أهلاوي هي الرائد لحركة الألتراس داخل مصر، و تعمل على جمع الأهلاوية بكل مكان ممن يعتنقون نفس أفكار الألتراس.

تنظيم عمل الألتراس داخل المدرجات

نشر الأربع نقاط الرئيسية التي تمثل ثقافة الألتراس :
- التشجيع الدائم للفريق طوال المباراة بغض النظر عن النتيجة أو الأداء.
- عدم الجلوس أثناء المباراة
- حضور أكبر عدد من مباريات الفريق مهما بعدت المسافة أو زادت التكلفة.
- الانتماء التام للمجموعة و مكانها بالمدرجات.

قيمنا :

مؤازرة الفريق باستمرار و تحفيز الجمهور على مواصلة تشجيع الفريق

وأد أي محاولة لإثارة الجماهير ضد الفريق و منع الهتافات المعادية للفريق أو اللاعبين

منع فعل من شأنه أن يمثل إهانة لصرح الأهلي العملاق.

شعارنا :

الأهلي فوق الجميع

وحدنا ضد الجميع

تواريخ مهمة فى تاريخ التراس اهلاوي

شهر فبراير 2007:
فكرة بداءت فى مكان ما فى الزمالك حيث كان يجلس بعض الاصدقاء يشاهدون كليبات و صور للتراس العالمى وي حلمون متى ياتى اليوم الذى يصبح فى مصر مثل ما يحدث فى العالم و قررو ان تكون البداية لاول دخلة فى تاريخ مصر عن طريقهم و بالفعل بداء التخطيط لدخلة الستة واحد من هذا التاريخ

24 مارس 2007:
اكتمال تصميم اول بانر لاتراس اهلاوي



13 ابريل 2007:
اول ظهور لالتراس اهلاوي فى المدرجات بظهور البانر لاول مرة
مبارة الاهلى و انبى فى الدورى العام المصري و يومها حدث مشكلة كبيرة مع الامن بسبب هذا البانر و رفضو ان يتم تعليقة و لكن فى النهاية نجحنا بعد مشادات كبيرة معهم





14 ابريل 2007:
اول ظهور لالتراس اهلاوي فى الصالات المغطاة فى نهائى دورى الكرة الطائرة فى الصالة المغطاة فى استاد القاهرة

5 مايو 2007:
لاول مرة فى تاريخ مصر تقود التراس جماهير الاهلى فى اعتراض فى قمة الاحترام على تصرفات ادارة الاهلى فى تذاكر مباريات برشلونة و تم رفع 3 يفط سوداء اعتراضية فى اول عشر دقايق من مباراة بتروجيت فى كاس مصر فلم يتم توجية اى اهانات او كلام خارج و تم التعامل مع ادارة الاهلى بكامل الاحترام و تم توجية العتاب فى شكل متحضر جدا كان قدوة لاى جمهور لاخر
فلم تقف التراس اهلاوي فى دور المتفرج او "المطلبتية" بل وقفت فى صف المشجع الاهلاوي الغلبان و فى نفس الوقت لم تتعدى حدودها او تترك نفسها لهواه الصيد فى الماء العكر و تم رفض اى محاولة اعلامية لاستثمار ما حدث فى ضرب استقرار الاهلى





20 مايو 2007:
اول سهرة فى تاريخ الالتراس لاول دخلة فى تاريخ الجروب
المكان كان فى بارك جامعة القاهرة




21 مايو 2007:
اول دخلة فى تاريخ الالتراس




25 مايو 2007:
اول ظهور خارج القاهرة لالتراس اهلاوي... احتفالية بالدورى فى الاراضى الاسمعلاوية


2 يوليو 2007:
تولت التراس اهلاوي عمل دخلة نهائى الكاس قبل المباراة بيومين فقط لتخلى بعض الناس بدون ذكر اسمائهم عن وعودهم بعمل دخلة تليق بنهائى الكاس و للاسف تم تبديل كل شئ و ما تم التخطيط له قبلها ب48 ساعة و كان تحدى امام التراس اهلاوي حتى لا يكون النهائى بلا دخلة

28 اغسطس 2007:
اول دخلة خارج القاهرة لالتراس اهلاوي فى استاد المكس بالاسكندرية, مباراة الاهلى و حرس الحدود فى الدوري

واى استفسار انا تحت امركم وانما على فكرة جديد معاكم