وعاشـــــــك بنيه بقسمنا والقلب بس إلها رايد
هيه حلوة هواية حلوة واني عمي شلون واحد؟؟
بالفرن ناســــيني اهلي حتى لون عيوني جارد
حاولـــــــــت الفت نظرها بكل وسيلة وماكو فايد
وغيرت لبسي ومشيتي وفكري بالمودات شارد
وجللت شعري وصــــــبغته وألبست حتى كلا يد
كعدتــــــــــــــــني الحديدة لا بعت حتى الحدايد
لا تكــــــــلي ولا اكلك بهذلــــــــــتني الله شاهد
وهيه تدري بس خبيــــــثة مثولة والدلال بارد
واني نار بنص دليلي خاف اصــــارحها وتعاند
مرة اكول احجي معاها مرة اكولن خلني راجد
وين جانتلي يا ربــي جنت متونـــــــس وكاعد
وقـــررت لازم ابـــــــــوح بحبي الها وما احايد
بوري ما بــوري اسولف قابل مصارح مجاهد؟؟
جـــيت وتقربت منها جسمي يرجف حيلي بايد!!
والضغط يمي تخــــربط مرة نــازل مرة صــــــاعد!!
كمت امتمت كمت اعتعت كمت احس بلساني جامد!!
ردت افلـــت ماعــاد ينفع كالـــــت تفضل شرايد؟؟
كلت عفوا من رخصتج بلكي عنــــــــدج قلم زايد؟؟
--------------------------------------------------------------------------------