[Mahmoud Mohie]

بسم الله الرحمن الرحيم

أعزائى أعضاء منتدى بنات مصرالاحباء
إليكم الحلقة الثانية من المسلسل الكوميدى

لو مش متابع
ادخل واعرف ايه الى حصل قبل كدة

(الحلقه الاول)

الــحــلــقــة الــثــانــيــة



(صوت من الماضى): اهدي يا (هيثم).فيه ايه بس..
(هيثم)كريم) خبطني بالكورة في وشي ..
(صوت من الماضى): معلش انت الطويل ولد يا (كريم)مش قولتلك متلعبش بالكورة في الجنينة .
(كريم) وهو بيمصمص في صوابعه: مانا اعمل ايه بقي عايز العب كوره و (القلب الحزين)واخد الكمبيوتر ومش عايز يلعبني.
(صوت من الماضى): طيب خلاص اجري يالا دخل البطختين دول جوة .
(هيثم): بس قولي يا (صوت) ايه الطربوش اللي انت لابسه ده ؟؟
(صوت من الكاضى ) وقد بدي الارتباك علي ملامحه : نعم ها اه الطربوش لا ابدا اصلهم طلبوني في الخيمة بتاعت الاوبرا وقولت لازم الطربوش علشان وحي القصبجي .
(رقة الندى): والله يا (صوت )الف مبروك طبعا حاتعزمنا علي اول حفلة .
(صوت من الماضى): ايه اعزمكوا لا طبعا.... قصدي اه طبعا ..
(صوت) بيكلم نفسه: اعزمهم فين بس يادي المصيبة لو حد فيهم اكتشف انا بعمل ايه .
(هيثم) : هو لسه اد ايه علي الفطار والا الغدا ..
(رقة الندى):انت جعان انا حاروح اطبخلك بنفسي ..
(المصرى) وهو بيصرخ: تطبخيلي لا بلاش تطبخيلي معنديش رصيد اجازات مرضية .
(صوت من الماضى) : انا طالع اريح شوية ..
(هيثم): خدني معاك ..
(رقة الندى): وانا كمان ماشية ..


المشهد الاول :
التاسعة ص
مطبخ كبير اوي عامل زي المصنع وبنات بتروح وبنات بتيجي و (اروى) رابطة راسها باشارب وبتزعق..
(اروى): يالا يابنات عايزين نخلص الاكل بسرعة ...
(بوسى الدلوعة): مستعجلة علي ايه لسه كتير على الغدا
(احلام) :ياجماعة اللحمة تقريبا مش حاتكفي اعمل ايه ؟؟
(اروى): قولي لـ (رقة الندى) تتصرف من المشرحة مش في بواقي جثة من انبارح .
(احلام): لا يا(اروى) دي قضية شائكة هل يجوز اننا نااكلهم بقايا الجثة قبل ماتتعفن ..
(اروى): مش مهم حبة بهارات وتبقي العملية في النملية وبعدين دول تيران ياكلم الظلط.
(احلام): لا يا (اروى) حرام ناكلهم بقايا الجثة طيب والطلبة تذاكر علي ايه .
(بوسى الدلوعة): واحنا حاناكل معاهم جثث ياي ..
(احلام) وهي تكشر عن انيابها: جثث ايه ياشابة هو طبيخنا ده صالح للاستهلاك الادمي انا طالبة ديلفري من عند مؤمن .
(رقة الندى):يابنات هو انتوا خلصتوا حلة الملوخية ؟؟
(احلام): ايوة خلصناها بس عايزين حد يشوفلنا الملح مظبوط والا لا .
(كراميلا) : عايزين نشوف الملح مظبوط والا لا يابنات يالا حد يتطوع ويدوق ..
يحصل هرج ومرج والبنات بتجري في كل اتجاه ..
(كراميلا): اهدوا بس يابنات في ايه بس ده عمل بطولي وشرف عظيم والل حايقوم بالعملية البطولية دي حانيدله ميدالية شوكة البدنجان .
(اروى): ازاي بس واحنا اللى طابخين ندوق ايه ؟
(بوسى الدلوعة): يابنتي مفيهاش حاجة انتي حاتدوقي بس بطرف لسانك مش حاتبلعي حاجة .
(رقة الندى): لا احنا معندناش الا لسان واحد وبعدين العملية دي عايزة واحدة استشهادية .
(بوسى الدلوعة) وعنيها بتبرق: ايوة هي استشهادية هي.(اروىىىى)..
.(اروى): ادوق لا انا عايزة افجر نفسي مش عايزة اموت بالملوخية ..
(بوسى الدلوعة): يابنتي انتي حاتدوقي بس بعد الغدا لما تاكلي الملخية كلها حاتنفجري لوحدك ..
(رقة الندى): خلاص لحد يدوق ولا حاجة هي كدة عاجبهم عاجبهم مش عاجبهم يبقي يروحوا ياكلوا برة ..
يالا يابنات نوضب طرابيز السفرة


المشهد الثاني :
الثالثة عصراً
المكان : حجرة السفرة واعضاء المنتدي كلهم قاعدين مع بعض و( هيثم)علي رأس المائدة ..
(هيثم): كل سنة وجميع اعضاء المنتدي بخير وبصحة بالسلامة واللي معندهاش ربنا يرزقها واللي لسه متجوزتش ان شا الله عنها ماتجوزت وخليها كدة لحد ما تعنس واللي ناوية تتجوز تاخد بالها لان الجواز هباب وزفت ..
البنات في صوت واحد : وانت طيب يا (هيثم)وربنا يخليك لينا يارب ..
(هيثم): وانتم طيبين يابنات و كل سنة واعضاء المنتدي بخير وسعادة وجمال و الشباب اللي بتدلع تبطل دلع واللي عايزين يتجوزا بقولهم يعرفوا يعني ايه مسئولية الاول واللي مش عايزين ان شا الله برضه عنهم ماعازوا وخليهم كدة لحد ما يموتوا لوحديهم والا عيل ولاتيل ياخد باله منهم واللي بيقعدوا علي القهوة يبطلوا يقعدوا واللي مبيقعدوش ان شا الله عنهم ماقعدوا ..
الولاد في صوت واحد : وانت طيب ياحاج وربنا يخليك لينا ..
(هيثم) : وانتم طيبين ياولاد حد جعان يقول( وهو يرمقهم بنظرة نارية ..)
كل اعضاء المنتدي في خوف : لا طبعا جوع ايه احنا اخر حاجة نفكر فيها الاكل ..( يقولوها وهم ينظرون للاكل بحسرة ..)
(هيثم) في رضا : طيب كويس ولحد لما تجوعوا أوى هأقولكوا درس صغير
يحدث هرج ومرج وهمهمة في القاعة .
(هيثم)بيبرق ليهم وبيضرب بايده علي الترابيزة : بس سكوت مش عايز اسمع نفس .
(انا اللى كلى جراح): فيه ايه ياحاج انت واخد الموضوع علي صدرك كدة ليه يعني ايه متسمعش ولا نفس مش حانتنفس يعني والا ايه هو انت فاكرنا هنود حاندفن ومش نتنفس ..
(صوت من الماضى) :ماهو ياحاج لو انت كنت ناوي تقولنا درس كنت عملت حسابك انبارح وقولتهولنا قبل ما ننام كان يادوبك لحقت تخلصه علي الغدا

(هيثم): بس ياض منك ليه وانت يابو شعر ولسان طويل انا حاعلمك تتكلم كويس (القلب الحزين) هاتلي مقص الجنايني ..
(احمد العشرى): حمامة ياحاج اجيب الفلكة كمان ؟؟ (اصله بيموت فى المصايب وعايز ينتقم من الخفااش)
(صوت): خلاص ياحاج انا بهزر حقك عليا ..
(هيثم) : وانت ياعم (انا اللى كلى جراح) ايه بس ..
(انا اللى كلى جراح) : لا ولاحاجة ياحاج ده انت كلامك علي قلبنا زي العسل بس والنبي اختصر علشان نلحق صلاة الفجر ..
(هيثم) : لا متخفش انا كمان عايز اصلي العشاء ..
(اروى): ياحاج أنا جعانة وانا بقول ناجل الدرس لبعد الغدا ..
(احلام): لا انا عايزة اشوف الماتشات ..( ماتشات ايه ! ! )
(هيثم): مفيش تاجيل ولا حاجة انا حاقول كلمتين كدة وخلاص ..
(هيثم): بسم الله الرحمن الرحيم الحمد لله الذي هدانا وماكنا نهتدي لولا هدانا الله اما بعد ...
(هيثم)يتكلم ...
حان الآن آذان المغرب حسب التوقيت المحلى لمدينة القاهرة
(هيثم)مازال يتكلم ..
حان الآن آذان المغرب حسب توقيت مدينة بروكسيل
(هيثم)مازال يتكلم ..
(اروى)..انهارت وحاول كل من( صوت منالماضى) و(انا اللى كلى جراح)مساعدتها ولكن زغرة من (هيثم)رجعتهم لمكانهم ..
(هيثم)مازال يتكلم ..
(بوسى الدلوعة) بتاكل في صوابعها و (هيثم)مازال يتكلم ..
انفجرت مرارة (انا اللى كلى جراح)
و(هيثم)مازال يتكلم ..
دقت الساعة الثانية عشر وحان الان موجز الانباء
و(هيثم) مازال يتكلم ..
(صوت من الماضى)عمال يدور علي شعرة في راسه علشان يشدها
و (هيثم) مازال يتكلم ..
حان الان موجز انباء الساعة الثانية ..
زلزال يدق اليابان ومصرع عشرين الف شخص ..
(هيثم) مازال يتكلم ..
خبر عاجل .. تغيير حكومة نظيف وتعيين حكومة ابو الليف ..
(هيثم)مازال يتكلم ..
مصرع مسئول كبير بالحكومة ضربا بالقباقيب ..
يصمت (هيثم)....... تتصاعد تنهدات الارتياح ..
(هيثم) : انا تعبت حانقف شوية ....
(اروى) في لهفة: ايه خلاص يا حبيبى !!!..
(هيثم): لا بس حانقف دقيقة حداد علي روح المرحوم ونقرأ الفاتحة ..
الاحباط علي وجه الجميع ..
(هيثم)عاد وتكلم ..
وتكلم ...
وتكلم........
وتكلم............
خبر عاجل انفجار ماسورة الغاز الرئيسية بالعاصمة ..
(هيثم) مازال يتكلم ..
(هيثم) : بس وفي نهاية الدرس تتعلموا من كلامي ده ان خير الكلام ماقل ودل يعني البنات اللي بترغي تبطل رغي والشباب اللي بيلك يبطل لك ..
تنطلق صرخة من اخر الترابيزة ويصمت الجميع ..

ياتري ايه اللي حصل ؟؟؟
مين اللي اتجرأ وصرخ ؟؟
وياتري الاكل كان ايه علي الغدا ؟؟
وايه رأي الناس فيه ؟؟


خليكم معانا الحلقة الجاية علشان تعرفوا .