ناديت والليل جاوبني وبكاني
محد سمعني سوى ليل نزع دمعي
ما غير ليلي من الاحباب وأساني
يا ويل من همه له ربعه مثل ربعي
طالت مسافاتي وتاهت بي ازماني
وعلمني الوقت كيف اقسى على طبعي
ومن طاول الوقت لو هو قاسي لاني
ومن يرفض العشر يقبل عقبها سبع
كم عاقل صار بامر الحب هيماني
وكم قلب عذره ترك فيه الهوى صدع
ياعازف بالهوى منغـومه الحاني
رد المواجع نغم في قلبي وسمعي
غن الغزل ينتعش خفاق ولهاني
واشرب زلال الهوى من كاس ونبعي
ومادام انا حي كل الحي ميداني
وان مت يا حادي الاشواق لك بدعي
|