السلام عليكم ورحمة اللهوبركاته
بصراحه الموضوع موضوع يستاهل انه يتناقش فعلا
بالنسبه ليا أنا كنت ضد حكاية الفضفضه دى أو بمعنى أصح ماكنتش بقتنع بيها
طب ليه أشكيلك وانتى زيك زيى مش هتقدر تحللى مشكلتى لأنك بشر طيب مأنا أختصر الطريق وأروح للى خلقنى وخلقك وقدرلى المشكله لأنه فالنهايه برده هوا اللى هيحلهالى
عشان كده كنت دايما بلجأ لربنا وكنت بقوله كل حاجه كفايه انى أقوله انت عارف أنا عاوزة أقولك ايه يااااااااه احساس راقى فى منتهى الروعه وبمجرد ماكنت بخلص كنت بحس بفرق شتان والله العظيم بس حاليا ونتيجه لشوية تغيرات نفسيه واضطرابات فى علاقتى مع رببنا (ادعولى انها تنجلى ان شاء الله)بدأت أفضفض بس برده لما قررت كده عملت هنا فالمنتدى موضوع عن الفضفضه عشان أفضفض لحد مش عارفاه عشان أتكلم براحتى عشان يبقى فالنهايه وكأنى مافضفضتش
بس بصراحه طلعت حاجه جميله بس طبعا مش أجمل من فضفضة ربنا وأجمل حاجه كانت فيها ان المشكله كانت بتتعرض وبتسمع أراء كتير مختلفه ومماثله ومناقضه وغيره ممكن تغير رأيك فالاخر
وشكرا عالموضوع وأرجو ان كلامى مايكونش تقيل عليكم تقبلو احترامى
|