السلام عليكم ورحمة الله وبركاته
ازيكم عاملين ايه يارب تكونوا كلكم بخير
عايزة اكلمكم فى موضوع موجود عند ناس كتير اوى
بس الاول هكيلكم على قصه وحده متزوجه
بتقول هى وجوزها بيحبوا بعض اوى
لكن زيهم زى اى ازواج بيتخانقوا وبتحصل خلافات بينهم
واثناء الخناق بيتقال كلام كتير
وشتيمه من الرجل يقولها انتى كذا وكذا وصفات ستات مش كويسه خالص
وامك كذا وابوكى كذا يابنت كذا
بعدها بيتصلحوا ويبدء العتاب بينهم
تقوله انت ليه بتشتمنى وبتقولى الكلام القذر ده هو انا كده؟
يقولها لا انتى مش كده خالص والا مكنتش اتجوزتك وبعدين انا بتخانق عايزانى اقولك ايه
ياوحشه والا نوتى بتخانق زى اى واحد بيتخانق وبيطلع منه كلام فى وقت عصيبته
لكن انا مش قصدى انى كده فعلا
موضوعى والنقاش فى
ليه بعض الرجال لما بيتخانق بيقول الفاظ قذرة مش موجوده فى مراته؟
طيب هنقول متنرفز وعصبى ومش فى وعيه
طيب هى برده متنرفزة مش ممكن برده تقول انت راجل كذا وكذا وفيك كذا
مش ممكن تغلط برده مهى متنرفزة؟؟
ولا هو لازم غلط الراجل يغتفر ويتنسى والست لاء؟
ايه رايكم فى الموضوع ده؟؟
مستنياكم
لمسات