بسم الله الرحمن الرحيم
******************
يارب تنال اعجابكم ...حاجة جميلة كدة على الماشى
***********************
تقدمت ممرضه لامتحان في الاسعافات الاوليه فسالتها المشرفه ماذا تفعلين اذا ابتلع شقيقك مفتاح الباب ؟
فقالت الممرضه:اخرج من الشباك.
********************
مرة واحد مسطول اوي راجع البيت الساعه اتنين بالليل فاخته فاتحت له الباب قام ضربها بالقلم علي وشها طاخ وقالها كنتي فين لحد دلوقتي .
********************
بلدياتنا نجح في إنتخابات مجلس الشعب، في اول جلسة قاعد جنب واحد أفندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا
********************
كان فيه بطة كل يوم تروح للبقال تقوله عندك سكر
يقولها لأ
اخر مرة قالها لو جيتي هنا تاني حأمسمر رجليكي المفرطحة دي في الأرض
تاني يوم راحت قالتله عندك مسامير ؟
قالها لأ
قالتله طب عندك سكر ؟؟
****************
كان في جماعة عمال بيبنوا كنيسة و عمالين يقولوا
هيلا هيلا صلي ع النبي
جالهم القسيس قالهم ايه ده ماحدش يقول كده خالص
راح واحد منهم كتب على الحيطة (صلي ع النبي) و قال
هيلا هيلا بص ع الحيطة
******************
سعودي بيسأل مصري ايش بتفطروا
قاله فول
قاله طب ايش بتتغدوا
قاله فول
قاله طب ايش بتتعشوا
قاله فول
قاله طب و ايش الفرق بينكم و بين البهايم
قاله البحر الأحمر
*****************
واحد ماشي في الشارع بيقول الله يخربيتك يا سمير
أمين شرطة ضربه على قفاه و قاله و كمان مش عارف اسم الريس يا ابن الكلب
*****************
واحد مسطول ماشي في الشارع لقى عمود نور مكتوب عليه شقه للإيجار راح قعد يخبط على العمود لغاية مجاله مسطول تاني قاله بتعمل ايه هنا قاله اصلي لقيت مكتوب شقه للإيجار قعدت اخبط ومحدش فتح لي قاله غريبه مع ان الجماعه منورين النور فوق
******************
سكران ماسك الفرخة بتاعته .قاعد يضرب فيها يضرب فيها ويقولها: كل يوم بيض بيض مافيش جبنه
*****************
مره ولد شاف قطه صغيره فى الشارع قال لاخوه
الولد : انا هاخد القطه دى وأغسلها وأربيها
الاخ : لو غسلتها هتموت وسابه الاخ ومشى ورجع بعد ساعتين لقى اخوه بيعيط
الاخ : مالك يا حماده ؟
الولد : القطه ماتت
الاخ : مش قولتلك لو غسلتها هتموت !
الولد : ماماتتش وانا بغسلها .. دى ماتت وانا بعصرها
******************
المدرس : كم عمر ابوك ؟
التلميذ: والله مش عارف بس هو من زمان عندنا
******************
طفل بيسأل ابوه
الطفل : بابا هى البيضه بتمشى ؟ الاب : لأ
الطفل : طيب اشمعنه انت لما تيجى تنادى على ماما تقولها تعاليلى يا بيضه ؟
******************
يارب النكت تكون عجبتكم