[أنثـے مًنْ الّخٍـْيـِالْ→♀]

اقتباس
المشاركة الأصلية كتبت بواسطة morshooo







اهلا ومرحبا بكم

يا اجمد اعضاء

باجمد منتدى

اليوم هنشاهد حلقة جديدة من حلقات

اجمد عضو

معانا اليوم العضوة المتميزة

والمتالقة دائما بحضورها

stOp maSr tOp





هذا البرنامج برعاية



والان تعالو نشوف ضيفتنا قالت اية

stOp maSr tOp : فاكرة كل ايام الطفولة وفاكرة ايام السعادة و الشقاوة و تحقيق اى حاجة من غير اى مسؤوليات

نفسى فى حياة مرفهة مع ان انا من النوع اللى ممكن يتاقلم فى اى مكان

اتصدمت من اهمال الاعضاء لموضوع اعضاء من اجل الخير

لما بعت الدعوة فكرت عشان مش بحب الاستضافة بس وافقت عشان متابعة البرنامج

والان تعالو نستمتع بالحوار

هذا البرنامج برعاية



س / الاسم والسن والدراسة ؟

الاسم : طمطم على ما تفرج

السن 18 و شهر تقريبا

الدراسة : 1 هندسة زراعية

س / فى البداية عملتى اية فى الامتحانات ؟

و الله مش عارفة

حاسة انى مش راضية!!

لكن الحمد لله على كل حال

س / هتجيبى تقدير كويس يعنى والا ؟

ده الله اعلم

مقدرش اقول

انا حاسة انه ان شاء الله جيد او اكثر

لكن مع نظام الجامعة مقدرش احدد النتيجة


س / اخبار الكلية اية ؟ واصحابك والخروجات ؟

الكلية > مووش عارفة بصراحة مووش حباها

بس اهو بيقولوا حب ما تدرس لانك عمرك ما هتدرس ما تحب !!

صوحباتى تمامووز

كلهم هنا فى دمياط

و محدش معايا خالص فى الجامعة هناك فى كفر الشيخ

س / اية التغيير الى حستية فى الكلية عن باقى سنوات الدراسة الى فاتت ؟

الطناش زاد شويتين


س / هو انتى فعلا طالبة فاشلة ؟ زى ما انتى كاتبة ؟

اقدر اقولك انى لحد 2 ثانوى مكنتش فاشلة

من 3 ثانوى بقيت بصطنع الفشل

هذا البرنامج برعاية



س / كنتى عاملة ازاى فى ثانوى ؟ كنتى نازلة مزاكرة طبعا ؟

و الله كانت عادى خالص جدا

يعنى مدرسة و دروس و مذاكرة اخر شهر قبل الامتحانات

و الحمد لله جبت فى السنة اللى قالوا ان الامتحانات متتحلش 95 %

لكن ربنا موفقنيش فى سنة ثالثة و جبت 85 %

و بقى المجموع الكلى 90 %

لكن و الله مش تقصير

لكن بسبب ظروف مرضية قاسية

قدر الله و ما شاء فعل

س / تقولى اية لى الاعضاء الى فى ثانوى دلوقتى ؟

اولا لكل اللى فى المدارس

ان بجد انتم فى نعمة

لان نظام الجامعة صعب جدا

انتم دلوقت بتلاقوا اللى يشرح لكم الدرس مرة و اتنين و تلاتة

لكن الجامعة عكس كده

و اقول لطلبة الثانوى

ان الثانوى دى مرحلة عادية جدا زى الابتدائى و الاعدادى

بس لازم منستهترش بيها

لانها هتحدد مصيرك

و لازم تحدد ادامك هدف وانت بتذاكر

يعنى مثلا لو عايز طب

مش تذاكر مذاكرة 98 %

لكن ذاكر بحيث انك تجيب 100 %

و لو ربنا لم يشئ لاى حد منكم انه يحقق حلمه

يحمد ربنا

لان اكيد الخير فيما اختاره الله تعالى

هذا البرنامج برعاية



س / لو رجعنا لى ايام الطفولة فاكرة اية فيها ؟

فاكرة كل حاجة

و فاكرة مواقف بالتفاصيل

ايام السعادة و الشقاوة و الشجار و تحقيق اى حاجة من غير اى مسؤوليات

كانت

س / كنتى بنت شقية والا لا ؟

شقية جدا جدا

كانوا مسمينى

تررم حوادث

من كتر المصايب اللى كنت بعملها


س / لو قولتلك كلمينا عن اسرتك هتقولى اية ؟
دفء + حنان

س / مين اقربلك والدك والا والدتك ؟

الاتنين معايا اصحاب

س / هو صحيح من اهتماماتك النكد ؟

يا راجل و مين قالك

لا طبعا مش من اهتماماتى هو كل حاجة تلاقوها فى ملفى تصدقوها

س / عملتى اية لما اخدنا بطولة افريقيا ؟

بص بقى يا سيدى ..

يومها كنت فى المدينة الجامعية

و كان تانى يوم عندى امتحان اقتصاد

و ما ادراك ما الاقتصاد

ما علينا ربنا يسهل له

فالموبايل بتاعى كبيره بيجيب الاولى و التانية و السادسة و جميع قنوات النايل

لكن مش بيجيب الجزيرة

فبعد الماتش بفتح الموبايل عشان اشوف الماتش خلص و لا لا

و انا بفتحه قلت لزميلتى النتيجة هتبقى 1 صفر لمصر بهدف من جدو

فتحت الاولى لقيت افراح الشعب المصرى

صرخت بصوت عالى و قلت تحيا مصر و الله و عملوها الرجالة

و فضلنا نحتفل بالنصر فى المدينة و نسينا ان عندنا امتحانات

هذا البرنامج برعاية



س / انتى بتحبى مصر صحيح ؟

تصدق اه

س / ليكى فى السياسة ؟

السياسة دى زى المنطق

؟؟

س / طيب كلمينا عنها شوية ؟ اصلى ماليش فيها وعايز اعرفها ؟

بلاش يا سيدى

المنتديات ليها ودان


س / هو انتى بتحبى والا لا ؟

اكيد بحب ماما و بابا و اخواتى

س / نفسك تعيشى حياة مرفهة مع جوزك ؟ والا هتعيشى اى عيشة وخلاص ؟

بم ان انا هتكلم بواقعية

فاكيد .. نفسى فى حياة مرفهة

مع ان انا من النوع اللى ممكن يتاقلم مع اى وضع

س / انتى اية احلامك فى الحياة ؟

احلام
..
لا العالم ده انا صحيت منه من زمان

ليا اهداف واقعية

لكن احلام بطلتها

اصل عمو منير لو بطلنا نحلم نموت

وادينى اهو ما زلت على قيد الحياة

عمو منير بيضحك عليكم يا ولاد

س / قدمتى اية للمنتدى ؟

مش هعرف اجاوب ع السؤال انتم اللى المفروض تجاوبوا

هذا البرنامج برعاية



س / مين اقرب حد ليكى بالمنتدى ؟

بص هم كتير

بس اقرب حد

ممكن نقول 5 فى عين العدو

ميرة و مرمر و حنون و نودى و سماسم

س / قبل كدا نزلتى موضوع وقولتى هيكسر المنتدى واتصدمتى من عدم اهتمام الاعضاء بالمنتدى ؟

اكيد .. اسمه اعضاء من اجل الخير

س / لو انتى صاحبة اجمد عضو هتختارى مين اول عضو بالبرنامج يبقى ضيفك ؟

ضيااء ..

س / اخبار المسلسلات والافلام اية معاكى ؟

الافلام متابعة

المسلسلات مش

فيه وقت كافى انى اتابعها

س / بتشجعى فريق اية فى مصر ؟

الاهلى طبعا

س / شايفة وجودك فى اجمد عضو ممكن يعرف الاعضاء مين هى طمطم ؟

جايز

و خصوصا ان عدد المواضيع اللى قبلت ااستضافة فيها قليل جدا


س / لما بعتلك دعوة عشان تبقى فى اجمد عضو ؟ فكرتى والا وافقتى على طول ؟

بصراحة فكرت

لانى مووش بحب الاستضافات


س / انتى وافقتى لية على الدعوة ؟

عشان متابعة الموضوع من الاول و الاسئلة كلها جميلة

هذا البرنامج برعاية



وبكدا تنتهى حلقتنا النهارضة

انتظرونى وحلقة جديدة من

اجمد عضو

تحياتى

morshooo

:cv27:

اولا بشكرك يا برنس على الاستضافة الجامدة دى

و تسلم ع التقديمة

و فعلا الموضوع اكثر من رائع

تسلم الايادى

و بانتظارك فى كل حلقة

اختك ,,