اول موضوع ليا هنا
من واقع الحياة المرة
ايه المرار الي انا بادئه بيه ده
هههههههههههههههه
لا
يبقى من واقع الحياة الحلوة الي عايشينها
اوقات تبقى مثلا في كليتك في شغلك او في الشارع مع اصحابك
وتشوف اتنين ماشيين مع بعض(ومش قصدي ماشيين مع بعض يعني استهبال وكده لا ممكن مخطوبين او متجوزين)
واحده شكلها كده مش حلو (خلقة ربنا طبعا )وماشي معاها راجل جنتل وشكله زي القمر
يبدا الحقد يشتغل
تقوم الاخت سناء تقولك : والنبي ده ايه الظلم ده مش انا احلى من البت دي امال محدش بيعبرني ليه
ماهي وحشه اهه وماشي معاها واحد زي فلقة القمر
او ممكن لو ولد
بهنسي (انا عارفه بجيب الاسماء دي منين) يقول:
وانت ايه الي غاصبك على كده بقى دي بنت يمشي معاها
ياعم ده انت احول ومش بتشوف دي مافيهاش ريحة الحلاوة
طب يااستاذ يامبجل قبل ماتقول كلمة الحلاوة دي
تبقى عارف معناها
هي الحلاوة بس
انها يبقى شكلها حلو اووووووووووووي
وتبقى بتحب صورة وبس
دي ممكن تبقى حلو ه ودمها تقيل وجواها اسود وتتعبك في حياتك:cv48:
امال لو شكلها مش اد كده بس دمها خفيف وروحها حلوة وتقابلك بابتسامه جميله
:shiny01:
تخلي يومك يعدي وانت مرتاح ومحدش مكشر في وشك
وبعدين افرض انك بتحب حد عشان شكله حلو
طب افرض لاقدر الله جه في يوم ووقع على وشه مية نار(بعد الشر عنكم)
ها
هتكرهه او هتكرهها
طب والدتك لو كان شكلها مش جميل
عايز تقنعني انك مش هتحبها
حاجات كتير بتغلب حلاوة الشكل
الحنيه والطيبه وانك تلاقي حد يحبك بجد ويخلصلك ويضحك في وشك
طبعا الموضوع ده مش بس غرضه اني اتكلم عن حلاوة الروح والشكل وكده
ده بس مجرد مثال ياجماعه
انا غرضي الاساسي
اني اقول ليه احنا سطحيين في اختياراتنا
ليه بنبص للحاجه من بره ومش بنحاول ندخل جواها
ليه الشكل كل حاجه في نظرنا
اتمنى الموضوع يعجبكم