[سـ الليل ـكون]

لكى جزيل الامتنان والعرفان

بموضوعك الراقى يا احلى ياسميا ببستان منتدانا

كل الود والاحترام

والمنتدى مش بعدد الاعضاء ولكن بما يقدمه الاعضاء

كلمه اخيرة اتمنى من الاخوة الاعضاء لما يختارو موضوع عشان ينقلوه هنا لازم الاول يتاكدو من صحه المعلومات لان للاسف بشوف معلومات مغلوطه كتير فى اكثر من موضوع خاصه اللى بتخص العلم والدين

مثلا قريت موضوع ان القرفه بديل للانسولين ولما سالت دكتور متخصص وله وزنه فى مجال تخصصه قالى لا الكلام ده مالهوش اى اساس من الصحه وبالبلدى كده مكنش حد غلب

موضوع تانى عن اكتشاف عالم مصرى علاج للسرطان من الخميرة بعدين الاقى برنامج بالتليفزيون بيتكلم عن باحث مصرى لسه هيعمل دراسات وابحاث عن علاج السرطان فلو كانت الخميرة فعلا علاج فليه البحاث تانى

المقصود ان فيه معلومات غلط كتير بتبث من خلال الشبكه العنكبوتيه واحنا للاسف بناخد المواضيع دى قص ولازق من غير ما نعرف الحقيقه ونفرح ان رصيدنا من عدد المواضيع بيكتر والكل يقول علينا الكاتب المميز وخلافه من القاب زائفه

طبعا ان مش بقصد حد معين بس بتكلم عموما عشان حرام نعلم غيرنا الجهل والمعلومات الغلط وطبعا الكل عارف مين له مصلحه فى بث مثل تلك المعلومات الغلط وايه قصده منها

اتمنى ان تكون ورود منتدانا تكون على اسس سليمه حتى يتسنى لها البقاء

اسف للاطاله

سكون الليل