 ْْإمسك إيدها وخلصنا بقا ... حرام
وهما اصحـاب
أنت ليه مش بتمسك إيدي وإحنا ماشيين في الشارع؟
لأ بلاش...افرضي حد من قرايبك شافنا؟ والا حد من أصحاب
أخوكي في الكلية؟ إن شاء الله يا حبيبتي بكره نتخطب وامسك
إيديكي ادام الدنيا كلها ".
*****************
وهما مخطوبيـن
أنت ليه مش بتمسك إيدي وإحنا ماشيين في الشارع؟
علشان مش عاوز حد يفتكر إننا علشان اتخطبنا هنصيع بقى
ونعيش حياتنا وبعدين بصراحة كده أنا مستحرم
إن شاء الله بكره نتجوز وامسك إيدك وإنتي مراتي حبيبتي في الحلال
*****************
وهما متجويـن
أنت ليه مش بتمسك إيدي وإحنا ماشيين في الشارع؟
يا حبيبتي إحنا مش مراهقين بقى هنمسك إيد بعض في الشارع
وكده إحنا اتنين متجوزين ومحترمين وعندنا بيت نعمل فيه اللي
عاوزين نعمله
*****************
وهما عندهم عيـال
أنت ليه مش بتمسك إيدي وإحنا ماشيين في الشارع؟
يعني امسك إيدك والا امسك إيد البنت والا اشيل الأكياس دي كلها
*****************
بعد 25 سنه جواز
أنت ليه مش بتمسك إيدي وإحنا ماشيين في الشارع؟
إيدك إيه بس اللي هامسكها دلوقتي! إنتي عاوزه جوز بنتك يقول
علينا كبرنا وخرفنا
*****************
تحياتى لكم
بنوته حلوة
|