[بنوته متفائله]

اذيكم ياحبايب قلبى اخباركم ايه انا بس ليه عتاب بسيط اوى عشان والله بحبكم
وبعتبركم اخواتى

ليه يابنات بتعملو فى نفسكو كده ليه بسهوله كده تدى مشاعرك لواحد ميستهلش مشاعرك
ده انتى غاليه ياحبيبتى والله عارفين انا بجد كل يوم اسمع حد يشتكى حبيتو وفى الاخر سبنى
انا بكلمكم كده والله العظيم بجد اى بنت هنا بحس انها اختى وخصوصا فى بنات هنا
صغيره 17 واصغر والله يابنات احنا غالين اوى بلاش تدى مشاعرك لا ولد الا لو جالك البيت
هتقوليلى بيحبنى بس الظروف اصلو لسه طالب واصل واصل انا مريت زيكو بشباب تافهه
بس كنت حاسمه معاهم عارفه ياحبيبتى قلبك ده نضيف اوى وبيقى عندك حياء او لما تعرفى شاب الحياء بيقل والشاب يجر واحد تانى وتالت لانك هتعوزى تنسى واحد بواحد وفى الاخر لما يجيلك نصيبك هتحسى بارف والله وعدم رضا لانك دايما هتقرنى الى حبتيه او الى عرفتيه بلشاب الى هيتجوزك ودخل من البيت فى الاخر انتى الى خسرانه وعارف ياحبيبتى او لما تعرفى شاب طبعا بتدى مشاعرك ليه
وهو طبعا بيعمل روميو وانو بيموت فيكى ومن وراكى بيروح لصحابه يوريه رسايلك ويتفشخر ادمهم
والله 90 فى الميه ده بيحصل خليكى حاسمه مع اى ذئب عايز يسرق قلبك وفى الاخر يرميكى لييييييييه
اى ولد تلقيه عايزيكلمك لو انتى كمان حسيت انك ميله ليه فهميه انك مش بتحبى الحورات ديه
انتى ليكى طريق معين هو البيت مش عيب والله العيب انك ترخصى نفسك بس تثبتى على ده هتقوليلى
مهو افرضى سابنى وانا عارفه ظروفه كويس مش هيقدر يتجوزنى دلواتى هقولك من ترك شى لله عوضه الله افضل منه
بصى ياحبيتى كلنا انا وانتى وكل البنات بيكون عندنا دايما مشاعر ومحتاجين كلمه حلوه مشاعرك ديه خليها لله
ازاى اشتركى فى جمعيه خيريه لو يوم فى الشهر ساعدى حد محتاج مثلا حد من قرايبك فى اى حاجه
ادعى ربنا اوى واستغفرى والله العظيم الاستغفار بيجيب الرزق جربتها والصدقه
تعالو يابنات نعمل عهد اننا مش هنبا رخاص تانى وهنبدا صفحه جديده مع ربنا بنيه
الايه الكريمه ديه( من يتقى الله يجعل له مخرجا ويرزقه من حيث لايحتسب)
واى بنت متعلقه بشاب تفهمه ان ليها طريق واحد بس صداينى والله العظيم هيحترمك اوووووووى ولو بجد بيحب هيتقدملك رسمى ولو مش بيحبك هتكونى انتى بردوه الى كسبانه هتباه غاليه فى نظروه ونظر نفسك وده اهم
وبعدين انتى فاكره ان لو سبتيه ولو ربنا كاتب ليكو نصيب مش هتجوز ازززززززاى مفيش حد بيتجوز مرات حد او جوز حد
انا عايزه رايكو يابنات وياشباب بصراحه هتقبل على اختك ده بله عليكم يشباب ردو بصراحه عشان البنات تعرف

احبكم فى الله
تحياتى
ريم