[حَرفُُ هجآءّ]

مصر العفية لا يمكن تموت..

تعافر تناور تقاوم تغامر..

تخطى ألمها وكله يفوت..

بتمرض دا ممكن ولكن لا يمكن..

يطول مرضها ويبقى سكوت..

تهادن تماين تخبى اللى باين..






وتظهر نيابها لظالم حقود..

فى عز الشدايد تلاقى ولادها..

يقوموا فى لحظة يفكوا القيود..

ويكتر فسادها فتنده ولادها..

غيتونى الحقونى يقوموا أسود..







يردوا السؤال وثورة جمال..

بتشهد يا بلدى يا ست الوجود..

جوامعك كنايسك..

وربى اللى حارسك..

دا هوا سلاحك وسر الخلود..

ونيلك دليلك بيروى من يجيلك..

فيشرب ولازم لأرضك يعود..

بحبك برغم القساوة ساعات..

ومهما يحاولوا يزيدوا الآهات..

فى لونى سمارك وبكره نهارك..

يبدد ضلامك ومجدك يعود..

مصر العفية لا يمكن تموت.