[morshooo]

اهلا ومرحبا بكم

يا اجمد اعضاء

طبعا الفكرة كلنا عارفنها وعارفين ان

دى هتكون اخر حلقة فى الجزء الاول من

اجمد عضو

الى اتمنى ان يكون البرنامج

نال رضاكم وقدرت اعمل حاجا مفيدة للمنتدى الغالى

مش هطول عليكم وتعالو على طول كدا

نشوف الاعضاء بعتولى اية واسئلة عاملة ازاى

يلة بينا

اقتباس س/ الاسم السن المؤهل ؟

احمد

26 سنة

مصرى ( مدينة نصر )

بكالوريوس خدمة اجتماعية

اقتباس س/ اسمك احمد امال ايه معنى موورشو ديه ؟

مممممم مورشووو دى حكاية بسيطة جدااااا

جدى رحمة الله اسمو ( مرشدى ) فقولت اكيد الراجل دا محدش دلعو وهو عايش

فقولت ادلعو انا بما انى مشفتوش اصلا فطلعت اسم مورشووو وبقيت معروف بية بين اصدقاءئى

اقتباس س / مين هو morshooo ؟ عرفنا على نفسك في سطور ؟

مورشووو شخص عادى زى اى شخص لية احلام وطموحات

بتمنى من الله عز وجل تحقيقها الحمد لله من النوع المسامح جدا

من عيوبى الكسل دى حاجا بعترف بيها جدااااااااااااااااا

اقتباس س / احنا كلنا عارفين مورشو أو احمد مذيع اجمد عضو وبس ممكن تكلمنا عن نفسك شويه ؟

زى ماقولت شخص عادى زى اى شخص

اقتباس س / ايه حكايتك مع المنتدي ؟

والله مفيش حكاية والا حاجا المنتدى رائع

وعجبنى جدا وسجلت فية من اول مرة دخلت فية

اقتباس س / منتدى بنات مصر عرفته من فين ؟

عن طريق جوجل كنت ببحث عن شوية صور فلاقيت اسم المنتدى

دخلت عجبنى سجلت فية على طول والحمد لله استمريت

اقتباس س / عدد الاصدقاء 7 هل انت على معرفه معهم ؟

بصراحة لا هما يمكن 2 الى اعرفهم وعرفتهم بعد

ما عملت معاهم لقاء فى اجمد عضو

اقتباس س / اهتماماتك _ كورة القدم والميوزيك ؟

تمام كورة القدم يمكن من صغرى وانا بحب كورة القدم جدا

والحمد لله مشيت شوية فى السكة دى ولعبت فى كذا نادى

( مصر للبترول - مدينة نصر - الشمس - المقاولون العرب )

بس لى الاسف حصل ظروف كدا مكملتش

الميوزك انا بحب اسمعها جدا خاصة العملاق ( عمر خيرت - عمار الشريعى )

اقتباس س / ناديك المقضل؟؟

اكيد الاهلى المصرى

اقتباس س / منتخبك بعد مصر عالميا وعربيا بعد مصر؟؟؟

عالميا : ايطاليا - الارجنتين

عربيا : مصر فقط

اقتباس س / مين من المطربين تحب تسمع ؟

المطربين القدامة : حليم - فيروز - ام كلثوم - نجاة

المطربين الجدد : عمرو دياب - منير - اصالة - شيرين - انغام

اقتباس س / أحمد بيحلم بأيه ؟

بحلم ببيت صغير واسرة اكون قادر على تلبية

متطلباتهم دون تاخير زى ما عمل والدى معانا

اقتباس س / الطفوله احلى شئ صحيح أيه أخبار طفولتك ؟

كانت جميلة والحمد لله رغم ان الظروف كانت مش مساعدة اوى

كنا اسرة نعتبر من الطبقة المتوسطة ولكن مفيش اى طلب حد يطلبو يقولو لا

كانت ايام جميلة ومكنش فى حاجا شاغل بالنا واحنا اطفال

ولكن دلوقتى رغم تغيير الظروف لى الاحسن بكتير جدا والحمد لله عن الاول

ولكن شاغلين بالنا بحاجات كتير جدااااا

اقتباس س / احكى لنا على مواقف صعبه مريت بيها بطفولتك ؟

لا مكنش فى موقف صعب بصراحة مريت بية فى الطفولة

لان زى ما قولتلك مكناش شاغلين بالنا بحاجا

اقتباس س / فاكر ايه من الابتدائى والاعدادى ؟

الحمد لله كل حاجا ولسة علاقتى باصدقاء الابتدائى موجودة

لحد دلوقتى وغير كدا انا كنت فى مدرسة تجريبية

يعنى من كى جى 1 لحد 3 ثانوى فى نفس المدرسة

يعنى عشرة عمر بس الحمد لله كنت فاشل فى الدراشة

هههههههههههههههههههههه

اقتباس س / كنت بتحب تتفرج على اية وانت صغير ؟

كابتن ماجد وماسنجر هههههههههههه

وكان فى شوية اغانى بقى اية مقدرش انساهم لحد دلوقتى بسمعهم

( فراشة صغننة - نيلى ) ( جدو على - محمد ثروت ) ( كتكوتة - صابرين ) ( البحر سمكة - ايمان البحر )

اقتباس س / أخبار شغلك أيه وايه طبيعة عملك ؟

شغلى خاص بالدعاية والاعلان

تصميم اعلانات تليفزيونية

اقتباس س / ايه حكايه اجمد عضو بمعني برنامج اجمد عضو حقق نجاح كبير ونسبه مشاهده عاليه في المنتدي ونال اعجاب كتير من الاعضاء كانت فكرته صدفه ولا خططت ليها ؟

الحمد لله الموضوع نال اعجاب ناس كتير

ودا الى بسطنى جدا وحسيت ان فعلا الاعضاء يستهلو ان الواحد

يتعب عشان يتبسطو من الموضوع وكمان فكرة الموضوع انى كنت عايز

اعمل حاجا لية انا ومختلفة ومش موجودة فى اى منتدى تانى والحمد لله

دا الى حصل ودا تانى منتدى انزل فية الموضوع دا

اقتباس س / اسلوبك في حلقات اجمد عضو اسلوب اعلامي مشهور بالنسبه لك دي مجرد هوايه ولا بتتمني تبقي اعلامي مشهور فعلالالا ؟

لا والله لا اعلامى والا حاجا بس الواحد لما يكون حابب حاجا بيتعب عشان

يطلعها باجمل شكل ودا الى حصل فى اجمد عضو معايا

اقتباس س / هل تعتقد ان حلقات اجمد عضو نجحت ؟ قولى طلع مين اجمد عضو ؟

الحمد لله نجحت بنسبة كبيرة مع انى كنت متوقع نجاح اكتر كمان

بس المشكلة ان فى اعضاء كتير جدا ميعرفوش حاجا اصلا عن اجمد عضو

ودا الى اتاكد منو ويمكن لو كانت مشاركاتى عالية كنت قدرت انزل دعاية فى

شريط الاهداءات ودا كان هيفيدنى جدا وكان الموضوع هيلاقى مشاهدة اكثر من كدا بكتير

مكنش فى عضو اجمد من الاخر كل الاعضاء بجد استمتعت بالحوار معاهم

وكان كل عضو لية اسلوب خاص بية وممتع جداااااااا

اقتباس س / انتا قررت ان دى اخر حلقة فى الجزء الاول ؟ الفترة الجاية هتعمل اية فيها ؟

انا خلاص قررت انى انزل موضوع جديد وهيكون برضو فكرة جديد

ويومين وهنزل الدعاية بتاعت البرنامج الجديد والجميل ان فى اعضاء هيشاركونى

فى الموضوع دا وان شاء الله انا متاكد ان هينجح بنسبة كبيرة جدااااااا

اقتباس س / لو تخيلت نفسك للحظه اعلامي مشهور ايه نوعيه البرنامج اللي تحب تقدمها وليه ؟

عمرى ما فكرت فى انى اكون اعلامى مشهور ولكن

انا بحب البرامج الى بتجيب مواجهات ووجهات نظر مختلفة

اقتباس س / من الواضح انك مش بتدخل المنتدي كتير او مقل في مواضيعك ممكن نعرف السبب ؟

طبيعة العمل مش اكتر يعنى برجع متاخر

مش بلحق اعمل حاجا غير الموضوع بس الى بنزلو

اقتباس س / وايه اكتر قسم مهتم بيه او بتحب تدخله ؟

يوميات الاعضاء بحكم الموضوع

والقسم العام

اقتباس س / لو بقيت مشرف تفضل الاشراف علي اي قسم وليه ؟

لو بقيت مشرف مش هفيد المنتدى لانى مش بدخل كتير

فاكيد عدم الاشراف احسن لى

اقتباس س / ولو بقيت الادارة ايه الجديد اللي تتمني تقدمه للمنتدي ؟

اتمنى النظر للقسم العام لان بلاحظ ان كتير جدا من المواضيع بتتظلم فى القسم العام

بسبب الردود والمشاركات يعنى ممكن تنزل موضوع وبعد خمس دقائق تلاقية

فى الصفحة التالية وبكدا كل سنة وانتو طيبين محدش هيعرف عنو حاجا

اقتباس س / بتحكى لحد من زملاء العمل عن المنتدى ؟ وهلى دعيت حد عليه ؟

كل اصدقائى عارفين المنتدى ولكن مش مسجلين بس كل الحلقات

متابعنها والحمد لله معجبين بالموضوع وبالاعضاء

اقتباس س / عملت ايه بالمنتدى من يوم تسجيلك للان ؟

الحمد لله اجمد عضو من المواضيع المفيدة بالمنتدى

وعرفت الاعضاء على شخصيات كتير وطريقة تفكيرهم

ودا فى حد زاتة نجاح لصاحب الموضوع واثبت ان الافادة

مش بالتواجد فقط وكثرة المشاركات بالمنتدى

اقتباس س / شخصية مورشو بالمنتدى هى نفس شخصية أحمد ولا فى أختلاف ؟

اكيد والحمد لله ولكن كتير جدا فاكرين مورشووو

شخصية جادة جداااا بس يمكن عشان محدش يعرفنى لسة ولكن

الى اكلمت معاهم عرفو مين هو مورشووو

اقتباس س / يا ترى انت رخم ولا محبوب بين الناس ؟؟

ههههههههههههههههه

الحمد لله محبوب بس رخم مع الى زيك :cv44:

اقتباس س / قولى أخبار الحب معاك ؟

الحمد لله تمام التمام مينفعش نعيش

من غير حب والى يقول غير كدا يبقى غير صادق

والحمد لله انا مرتبط

اقتباس س / خاطب عن حب ولا صالونات ؟

لا عن حب والحمد لله

وكمان خطيبتى مغربية بس مقيمة فى مصر

اقتباس س / دعيت خطيبتك للمنتدى؟

اكيد وكمان من اكثر المتابعين للبرنامج

بس مش حابة تسجل بالمنتدى عشان مالهاش فى المنتديات

اقتباس س / فى مقوله بتقول اقرب طريق لقلب الراجل معدته ايه رايك فى المقوله دى ؟

دا الى قال المقولة دى اكيد كان جعان ساعت ما قالها

اكيد لا طبعا مقولة خطا

اقتباس س / يعنى مراتك تستطيع ان تؤثر فيك بصنية بطاطس حلوه ولا اكله طعمه ؟

لا لو مكرونة بالبشميل اوكيك :cv44:

اقتباس س / تقول ايه لاعضاء المنتدى ؟

اقولهم اتمنى تحقيق كل امنياتكم ان شاء الله

ولازم كل واحد يكون لية اسلوب خاص بية بالمنتدى

ويكون حابب الحاجا الى بيعملها بالمنتدى لان لو دا حصل اكيد هينجح

اقتباس تقول ايه لاجمد عضو فى اخر حلقة ؟

اقول الحمد لله عملت الى عليك الفترة الى فاتت

وحققت النجاح الى كنت عايزة وقدرت تعرف الاعضاء على بعض





وبكدا بتنتهى الحلقة

وبتكون اخر حلقة باجمد عضو

ولكن عايز اقول حاجا مهمة

انا بعد اللقاء دا والاسئلة دى اتاكد ان الموضوع نجح

لان طريقة الاسئلة والافكار الرئيسية هى نفس طريقة برنامج

اجمد عضو وبكدا بيكون اجمد عضو قدر ياثر على الاعضاء

وعلى طريقة طرحهم لى الاسئلة

انتظرونى ان شاء الله

والجزء الثانى من

اجمد عضو

تحياتى

morshooo