[big bốss]

من النهارده مفيش حكومه انا الحكومه انا الحكوووووووووووووومه


ههههههههههههه

طبعا اللى مننا اتفرج على فيلم الجزيره للفنان احمد السقا وسمع الجمله دى ضحك عليها اوى لانه بصراحه طريقته و هو بيقولها كانت مضحكه اوى

طيب تعالوا ناخد الكلمه دى بجد

هتقولولى ناخدها ازاى بجد؟؟؟؟؟؟؟؟؟

انا اقولكم

فيها ايه لو كل واحد مننا بقى هو الحكومه ,حاكم نفسه بمعنى انه يحاول يقرب من الحاجات الكويسه ويصاحب ناس كويسه ويبعد عن الوحش ولو جتله الفرصه انه يعصى ربنا او يغضبه يبعد عن ده ويرضى ربه ويكسب رضا اهله ويكسب محبة الناس ليه.

كل واحد مننا يبقى حاكم نفسه وليس حاكم على الغير والله لو عملنا كده حالنا هيكون احسن كتير.

كل واحد يبقى عنده ضمير فى شغله او حتى فى دراسته ويؤدى عمله بما يرضى الله .

كل واحد يحاول يكتسب الصفات الجميله يبقى شهم وشجاع وجدع مع اللى حواليه وخدوم ويبعد عن الانانيه والطمع والكدب والخداع.

بالله عليكم لو عملنا كده هل هنبقى محتاجين حكومه؟؟؟؟؟؟؟؟وللا هنبقى فعلا احنا الحكومه احنا الحكووووووومه؟؟؟؟

الله يمسيك بالخير يا سقا