الموضوع: يوميات تيا تقريبا......
عرض مشاركة واحدة
قديم منذ /04-27-2010, 12:52 PM   #1

تيا
عضو سوبر
 

 رقم العضوية : 38001
 تاريخ التسجيل : Dec 2009
 الجنس : ~ أنثى
 المكان : EGYPT
 المشاركات : 2,182
 النقاط : تيا has much to be proud ofتيا has much to be proud ofتيا has much to be proud ofتيا has much to be proud ofتيا has much to be proud ofتيا has much to be proud ofتيا has much to be proud ofتيا has much to be proud ofتيا has much to be proud of
 درجة التقييم : 1186
 قوة التقييم : 1

تيا غير متواجد حالياً

أوسمة العضو
افتراضي يوميات تيا تقريبا......
يوميات تيا تقريبا
أنا مخنوقه شويه ومش لاقيه حاجه أعملها عشان مش عايزه أذاكر قولت
أعمل يوميات وأغير شويه وأي موقف يحصللي أكتبه
كل ما يحصل موقف هدخل أحكيه وهقرفكم
واللي حصل معاه موقف وعايز يحكيه برده عادي
بابا كان جاب لنا طاوله من اسبوع كده وسابنا ومفهمناش حاجه
المهز
قولت لتانيا تعالي بقى وأنا فاكره لعبه ف الطاوله كنت بلعبها زمان مع صاحب بابا الله يرحمه>>> مات ناقص عمر من حرفنتي طبعا
قالتلي أبوس ايديكي ارحميني بقى انتي هتقعدي تألفي كالعاده وهتجننيني
قولتلها عيب يا معلم انتي عارفاني هو أنا عمري نسيت حاجه
قالتلي ماشي
فتحنا الطاوله ولقيت الورق بيجري ف كل حته
ببص ف الورق كده قولتلها تصدقي مش فاكره وقعدت أرتب ف الورق بكل الطرق مفتكرتش حاجه
قولتلها خلاص وسعي بقى أنا هألفلك لعبه جامده
قومت قايلالها خدي لون وشيليه ف ايدك قالتلي ماشي ربنا يسطر
قومت رميت الزهر
وبعدين هلعب أهو حطيت 7 ورقات ف أماكن مختلفه وعماله أرزع والدنيا ليل والناس نايمه أختي الصغيره يا عيني صحيت مرتين
بس صحيت عشان تشجعني طبعا
قامت تانيا قالتلي طيب انتي بترزعي ليه قولتلها الرزع ده شرط أساسي ف اللعبه ورميت الزهر كمان مرة نزلت الورق كله وكل شويه أحرك ف الورق ومش عارفه أنا بعمل ايه
تانيا قالتلي أنا مش فاهمه حاجه وكل ما تلعب لعبه أقولها غلط
قولتلها يا ذكيه مش أنا اللي مألفه اللعبه يعني أكيد أنا اللي هكسب
قالتلي ايه لا أنا زهقت من اللعبه دي انتي هتكسبي امتى
قولتلها أنا ممكن أكون كسبت حالا ... لعبتي بقى وأنا اللي فاهماها
قولتلها وأنا أقولك أنا ألفت جزء تاني للعبه وأنا قاعده
والجزء ده يا عيني البت كانت هتنتحر وهي بتلعب ...مش عارفه تغلبني طبعا
رمت تانيا الزهر طلع 5 و 2 قولتلها لا استني أنا لاغيه ال5 و 2
وأي عدد هيجيلك متلعبيش أنا لاغياه أنا اللي هلعب بس
قالتلي ليه
قولتلها هنقضيها أسئله من دي كتير قولتلك أنا اللي مألفه اللعبه يعني لازم أكسب
وقعدت طول الليل أألف لحد ما الحاج صاحب البيت جه
لقى تانيا شعرها منعكش ومرميه ورا السرير دايقتني زقلتها شقلتطها من ع السرير عشان مش بتعرف تلعب بعد الأجزاء السته اللي ألفتهالها ومش عارفه تلعب ولا لعبه
قالي انتي عامله ف أختك كده ليه قولتله الحقيقه اللي هي طبعا انها دماغها مصدعه وداخت ووقعت وأنا مش واخده بالي
جات تانيا قالتله بقولك ايه أنا هموت كمان شويه هي اللعبه دي بتتلعب إزاي وفكرني باللعبه اللي كنت بلعبها زمان
قلتلها شوفتي يا أختي مش قلتلك كده مصدقتيش قالتلي أه مش كده
وبعديها بكام يوم كده خلت بابا يعلمها لعبه وقالتلي ايه تعالي يا أتيا هعلمك لعبه جديده
قولتلها تعلمي مين يا بت ده أنا اللي مألفه اللعبه بس ماشي هسيبك المرة ده لما أشوف اللعبه الرخمه بتاعتك
علمتني اللعبه وعجبتني ومن ساعتها معرفش أنا م غير لما تغلبني







  رد مع اقتباس