[Mo7aMeD Lotfy]

ازاى تكون رخم !!!!!!

طبعا فى ناس بتحب الرخامه ذى عنيها

وفى ناس بتكره الرخامه ذى عنيها بردوا

انا هجبلكم كل انواع الرخامه اللى ممكن ترخم بيها على خلق ربنا وهنبدا

والجزء الاول ازاى تكون رخم مع اصحابك

وغلس وتبت ودمك اعوز بالله

ويرجى من الاخوه اللى عندهم ضغط سكر اى حاجه من دى

نصيحه بلاش تتعلم الرخامه لان وانت بتتعلمها او وانت بتقرا عشان تتعلم

ممكن متلحقش تتراخم على حد فبلاش ها بلاش .




• هات بخاخه مطهر ديتول و أمشى مع حد من اصحابك ، و كل ما صاحبك ده يمسك حاجه و يسيبها ... تروح راششها بالمطهر على طول على فكره مش بعيد يتخنق منك ويشربك شويت ديتول هههههههه.


كل ما حد من اصحابك يقول لك حاجه عيدها بصيغه سؤال ، مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا .



قول نكته طويله و لما تيجى عند آخر سطر و هو السطر المهم اللى فيه الأفيه و أعمل نفسك نسيته ، ولو حد غلس قوله : و الله كانت نكته جامده بس الظاهر أنى نسيتها .

و أنت واقف بتتكلم واحد من اصحابك برق عينيك فجأه و أسأله "سمعت؟!" هيسألك "سمعت ايه؟!" قوله ولا حاجه ... خلاص راحت .


• بعد عشر دقايق ، اعمل نفس الحركه تانى . مش بعيد يتجنن ..



& و انت بتتكلم مع اصحابك ، افضل مركز فى وش اللى بيتكلم اوى.

اعزم اصحابك فى حفلات ناس تانيه "عيد ميلاد او خطوبه او فرح ..." وخليهم يروحوا على اساس انه فرح حد قريبك بس بلاش تشفهم تانى يوم لانك بالتاكيد هتضرب هتضرب .


• لو واقف جنب حد من اصحابك بيعد فلوس و فى وسط ما هوا بيعد قول اى رقم عشوائى "862" .



• العب فى الوان التليفزيون لحد ما الصوره تبقى بنفسجى ، وتبقى الناس كلها لونها بمبى ، و اعزم اصحابك عالماتش عندك فى البيت .. و لو حد اعترض ، قوله "ما الحياه بقا لونها بمبى وانا جمبك وانت جمبى بمبى بمبى بمبـــــــــــــــــــــــــــــى " !!! .هتلاقى القلم نازل على وشك طرخ بوم .



• وانتم قاعدين بتتفرجوا على حاجه والنهايه المثيره قربت غير القناه قبل نهايه الفيلم او الماتش او المسلسل بخمس دقايق


.
لما تسأل واحد وتقله صح ولا غلط ..يقلك صح ..قله صح النوم .




وانتظروا الجزء الثانى من ازاى تعيش رخم


كان معكم الرخم قصدى اخوكم

محمد لطفى