نفس المكـان
* * *
حبيبتي
كان هنا نفس المكان
فاكره لسه
ولا راح ويا الزمان
نفس المكان اللي اتقابلنا بشوقنا فيه
نفس المكان اللي أنتهينا بجرح فيه
كان هنا
ايوه هنا
نفس المكان
للمكان ده ياحبيبتي أغلي ذكري
عاشها قلبي بحلم بكره
وبعد بكره
كنا نسرق م الزمان لحظات سعاده
نجري بيها بالمحبه
وشوق زياده
نيجي هنا
ايوه هنا
نغزل الشوق أماني نخاف عليها
وفـ قلوبنا
حبه حبه بنداريها
كل لحظة عشنا فيها ياحبيبتي
جوه قلبي
تلقي ذكري حلوة ليها
عاشت هنا
ايوه هنا
في نفس المكان
المكان ده
له في عمري عمر تاني
عمر عشته بالسعادة وبالأماني
كنا نحلم
والخيال فارش طريقنا
والآمال الحلوه
كانت بتسابقنا
نيجي هنا
ايوه هنا
نبني أحلامنا الجميله بود غالي
والفضا قدام عنينا
قصر عالي
قصر مفروش من حنانكِ ياحبيبتي
حلم عشته بشوق حياتي
وبخيالي
عشته هنا
ايوه هنا
في نفس المكان
فاكره لسه
ولا راح ويا الزمان
|