[رووكه]

السلام عليكم ورحمة الله وبركاته


الانهرده الحلقه الاولى من برنامج عضو سررررى جداااااااااااااااااااا


ومعانا العضو وانا برحب بيه


ونشوف وهو بيجاوب علينا


الاسئله الشخصيه

1/ كلمنا عن نفسك وعرفنا عليها ؟

شخص عادي
مش بشوف نفسي أحسن من غيري حتى لو كنت أحسن
بؤمن ان لكل شخص مميزات و عيوب
الوحش ممكن يكون حلو و العكس


2/امتى حسيت انك ظلمت حد وندمت بعد كده ؟


مش بحس (ماعنديش دم هههههه)
لو حسيت بالذنب براجع نفسي و بتراجع عن الي عملته
مش بكمل فيه

3/اكتر وقت حسيت فيه انك مظلوم ومحدش وقف جانبك ؟



هو في انسان مش بيحس بالظلم!!
دا حتى السفاح لما يحكموا عليه يقول أنا مظلوم!!
أكيد لما بتفهم غلط بحس بظلم و بزعل


4/اتعرضت للاهانه قبل كده ؟وكان رد فعللك ايه؟

بصي أنا بهزر كتير
لكن مش على حساب كرامتي
لازم بيكون في حد للهزار عشان الي يهزر معاك ماياخدش عليك بزياده فيسوق فيها
لازم يكون في تبريقة تخوف
مش كل حاجه سكر لازم ملح


5/امتى قولت لم اعيش فى جلباب أبى ؟

لما كنت عايش في جلبية ابويا و قررت اني احرج من جيب الجلابية


6/غلط مره ومعرفتش تصلح غلطك ده؟


لما بتغلط في ورقة الامتحان
مش بتعرف تصلح الغلط


7/امتى حسيت انك ضعيف ومش قادر تاخد قرار
او تصرف ؟


قريب أوي
من يومين كدا
و ما تسأليش عن الموقف بس كان موقف منيل
الدنيا كانت سوده وقتها


8/اكتر حاجه فى نفسك بتهرب منها ؟

و نهرب ليه!!
عادي
لو شيء مش عاجبني في نفسي اغيره


9/اتعرضت لموقف وجاتلك حاله من الصمت وعجزت عن الكلام ؟


أيون
في حاجات مش بتقدر تتكلم فيها
و مش بتلاقي غير الصمت
بس في طريقة حلوة عشان تكسر الصمت
انك تعد في مكان فاي و تكلم نفسك


10/حسيت انك صغير فى وقت رغم سنك اللى وصلتله ؟

و في احلى من انك تحس بالطفولة



الاسئله عن المنتدى



1/اول يوم دخلت المنتدى كان شعورك اييه؟

كنت حاسس اني غريب اكيد
و عنيه على الاعضاء كلهم و المشرفين و الاداريين
ايه دا و مين دا و شغال بتفحص و بكتشف شخصيات الناس


2/ياترى قدرت تثبت شخصيتك فى المنتدى اللى مش قدرت تثبتها بين اهلك واصحابك ؟


زي ما أنا
أكيد في اختلافات في الشخصيتين
لأن دي واقع و دي انترنت بس من حيث المبادئ هي نفس الشخصية
و الحمد لله ماشي الحال هنا أو هنا


3/اتعرصت للاستفزاز من احد الاعضاء ياترى اتصرفت ازى؟


يوووووووووه
كتير
ماتعديش
و أكيد بتتصرف بتعقل في الأول بس بعد كدا لو ردت فعله فلت سلبية بدون مبرر بنطلع الاسلحه

4/قولت فى مره مش هدخل المنتدى انا اتخنقت منه ؟

عمري ما قولتها بس جت في بالي مره
اليوم الي اتعينت فيه مشرف كنت يوميها زهقان من المنتدى فعلا و بفكر ما ادخلش تاني و فجأه جاتلي رساله التعيين
يمكن ماكنتش أبقى موجود دلوقتي لو ماكانتش جت يوميها


5/ليك اعداء فى المنتدى ؟

مش بحط في دماغي و الله
بس طبيعي أي حد في منصبي هيكون له ناس بتكرهه و ناس بتحبه
استحاله شخص يخلي كل الناس تحبه
دا حتى الرسول كان في ناس بتحبه و ناس بتكرهه
لكن لو انا شخص مش معروف لا حد هيكرهني و لا حد هيحبي
طالما انت شخص معروف هتلاقي الي بيحبك و نقيد الحب الي بيكرهك
عامل زي البطارية سالب و موجب

6/اقرب شخصيه ليك فى المنتدى بدون ذكر اسامى تحب تقوله اييه؟

نقوله كلام كتيييييير

7/اكتر قسم تحب تشارك فيه ؟

الاقلام بس مقل فيه الايام دي
مقل في كل حاجه



8/ اكتر قسم كرهت انك تدخل فيه من الوضع اللى وصله ؟


مافيش
بس الاقسام الي فيها منقول كتير بتحط فيها موضوع و بتلاقيه اتطمس و اتزحلق على الصفحة التانيه و التالته
زي اليوتيوب كدا


9/قسم عمرك مدخلته وفكرت تتدخله كان اييه؟


قسم الخواطر دا مش بدخله غير مره في السنه
ماليش في الادب
و قسم النكت دا مش بدخله و دخلت مؤخرا
حسيت اني عايز اضحك شوية



10/ اكتر مشكله اتعرضت ليها فى المنتدى على بعضه؟


لو قولتها الناس هتعرفني مع انها عرفاني
يوم ما كل حاجه دخلت في بعضها
و ما تشيليش حاجه في المونتاج هما هيعرفوني على طول


أكيد بشكرك يا روكه على مجهودك و اهتمامك و اسئلتك



فى النهايه بشكرك جدااااااااااااااااا على انك لبيت الدعوه

واتمنى ان الحلقه تعجبكم يارب