السلام عليكم
أكيد كل واحد في باله شايف ان فيه حاجات كتير عايزة تتصلح
عن نفسي هحل اول مشكلتين مهمتين في نظري
اللي هما البطالة والتعليم ...
لو صلحنا البطالة هيتصلح حال الشباب والبنات هنخلص من
جرائم القتل والاغتصاب والتحرش وان الشباب يضيع ويعد فاضي
والتعليم لانها هي اللي هتبني جيل المستقبل
ولو الشخص اتعلم وبعد كده اشتغل يبقى هنخلص من مشكلة الفقر
ونخفف منها شوية ..
كمان هطبق كل الانظمة غصب عن الناس .. لان اصلا احنا شعب عنده
حساسية من النظام فهطبق وهفرض عقوبات على اللي مش بيطبق
الأنظمة لازم يكون فيه رادع عشان الكل يمشي صح
هستغل الاراضي الزراعية لاننا عندنا خير كتير بس مش بنستفيد منه
هخلي النقاب عادي في المدارس والجامعات
هعمل مستشفيات كتير مجانية خاصة للفقراء واللي مش مقتدرين
هنظم المرور وأشوف ليه حل
مش عايزة تبقى فيه فجوة كبيرة بين الشعب والحكومة
هشيل من كرسي الرئاسة اللي ما يستحقش مكانه
في بالي كتير وربنا يقدر ان البلد تتصلح وتبقى احسن
شكراً على الطرح .. خالص تقديري وودي
|