[حياتي ذكريات]

السلام عليكم

موضوع جميل ومهم منك يا فيصل

هي المشكلة الكبرى كمان دولوقتي المدارس والجامعات الخاصة

بقت كلها ماشية بالفلوس وخلاص .. عن تجربة شخصية كنا في

مدارس البنات يبقو مش فاهمين ولا كلمة في الماده ولا بيعرفو

اصلا الماده بتتكلم عن ايه .. بس عشان بتدفع فلوس المعلمة تجر

الطالبة للنجاح وتنجح بنسبة مقبولة وحلوة كمان ..

اما تتخرج الطالبة او الطالب من المدارس اللي زي دي من الجامعات

ويبقو مش فاهمين حاجه .. طبيعي انهم يدرسو الماده بطريقة لا تفهم

لان هو اساس بيحفظ الماده لكن مش فاهم المحتوى بيتكلم عن ايه

عايزة اقلك موقف في اول سنة آخد فيها الحاسب الآلي

معلمتنا كانت من النوع اللي مش بتشرح كويس وكل الطالبات مش بيفهمو منها

المهم أشكل عليا أمر فقمت سألتها فراحت سكتت وفتحت الكتاب

وقعدت تدور على الإجابة وفضلت وقت طويل جدا وبعدين قفلت الكتاب

وقالت مش عارفة يلا نكمل الدرس ..

انا استعجبت من ردها لان اصلا مفروض معلمة الحاسب تكون فاهمة فيه

كويس لان اي خريج منها بيكون واخد دورات كتير

حتى السؤال اما رجعت سألت اخويا وقالي دي معلمة ما ينفعش انها

تتدرس طالبات خالص لان دي معلومات أساسية ..

المشكلة انا شايفاها من بداية التعليم مفروض أي طالب ما يتخرجش

من جامعته الا وهو فاهم ايه اللي واخده وكويس ويعملو امتحان

قبول للمدرس او الطبيب او غيره عشان نحط الرجل السليم

في المكان السليم ..

تسلم على طرحك للموضوع .. خالص تقديري وودي