السلام عليكم
هو حاليا الناس بقت وجوهم كتير ومتنوعه
بقو يتعاملو غير اللي في القلوب
تلاقيه من شوية يقلك انا بحترمك وبعزك في قلبي
ويتكلم من وراك بكلام سيء غير اللي قاله خالص
دول أشخاص متناقضين وفيهم نقص في شخصيتهم
لان الانسان ليه شخصية واحده بيتعامل بيها مع الكل
وزي ما قلت ما عرفوش ان الله عليم بذات الصدور
لماذا لا نحسن الظن بالآخرين ؟
من كتر الصدمات اللي بيواجهها الانسان في حياته من الناس
المقربة ليه بعدت مبدأ حسن الظن بالناس .. لان لو واحد كان
واثق في شخص وخدعه يبقى أكيد هياخد باله المرة الجاية
ومش هيحسن الظن بالكل .. والمشكلة ان سوء الظن ده
هو اللي مشتت مجتمعنا لانه لو ساد بيننا هينتشر الفساد
لماذا اصبحنا كمسلمين لا نطيق بعضنا البعض الا من رحم ربى ؟
سؤال محير وانا كنت بسأله كتير لنفسي
الناس مش بتعرف بعض وبيكرهو بعض !!
بس السبب الأكبر في نظري ان كل واحد بقى يقول نفسي نفسي
مش عايز أي حد يشاركه في حياته كله بيدور على مصلحته ومش
بيهتم بغيره .. الحياة مشاركة ولو حتى قلبي ما اتقبلش حد لازم احترمه
لماذا لا نرحم اخواننا واخواتنا وآبائنا وامهاتنا فى تعاملنا ؟
الحمد لله أغلب الفئات بيحترمو أهلهم وأخواتهم وغيرهم
ما فيش الا فئة قليلة اللي بيتعاملو بقلة احترام ليهم
او بدون رحمة ..
لماذا نغضب عندما يتنقل موضوع لك مكرر للأرشيف ؟؟لماذا نغضب عندما يغلق لك موضوع خاطىء او به تجاوزات ؟؟
يمكن يكون الموضوع متعوب عليه من قبل العضو
عشان كده بيغضب اما يتنقل لقسم المكرر او اذا اغلق
بس اكيد المشرف مش بيعمل حاجه الا اذا كان فيه مصلحة
لللعضو وللباقي ..
تسلم على طرحك الجميل .. خالص تقديري وودي
تقبل تحياتي
|