[حياتي ذكريات]

السلام عليكم

طرح رائع لموضوعك الجميل

والأبيات دي أكتر من رائعه للشاعر حافظ ابراهيم

من فترة قليلة قرأتها ووقفت عند كلماتها كتير

بتعبر عن حالنا الله المستعان

هو التعليم ما بقاش منحط لكن الفكر لدى الطلاب نفسهم

دولوقتي بقو مش عايزين يتعلمو اللغه العربية

افتكر اني كنت أدرس ماده اسمها الاملاء من تقريبا 3 ابتدائي

لحد ما وصلت لثالث اعدادي .. كانت ماده عبارة عن كيفية كتابة

اللغه العربية بخطوط النسخ والرقعه وغيرها وتعليمنا ازاي نكتب

لغتنا العربية بالطريقة الصحيحة .. كانت ماده بعتبرها اكتر من رائعه

لانها كانت بتعلمني لغتي وازاي اكتب .. كان معايا طالبات كتير

مش بيحبو الكتابة وما كانوش بيهتمو باللغه خالص .. ولحد دولوقتي

مش مهتمين بيها ولما تجيلي رسالة منهم او كتابة او اي حاجه

بتصدم من كتاباتهم أخطاء املائية لا تعد ولا تحصى ..

المشكلة فينا بقينا نحط لغتنا العربية على جنب

ونكتب بالكلمات الانجليزية ومع مرور الوقت بننسى لغتنا

مفروض احنا نفتخر بلغتنا العربية .. لغة القرآن الكريم

ونحاول بشتى الطرق اننا نتعلمها ونعرف نكتب كلامنا صح

ونفتكر ان هدف الغرب دولوقتي السعي انهم يخلونا ننسى لغتنا

تسلم على طرحك الرائع يا قلم .. تقبل خالص شكري وتقديري

ودي وشكري