السلام عليكم ما فيش أجمل من انك تعيشي وسط اهلك وناسك
انا تقريبا ما اقمتش ولا عشت في مصر مع انها بلدي
يعني بروحها في الاجازة وارجع تاني
بجد نفسيتي بتبقى تعبانة جدا اما برجع للغربة
مع ان ليا صاحبات كتير واهلي جنبي بس العيشة وسط
اهلك وناسك ليها طعم خاص .. حتى اما تتعاملي مع ناس
بيتكلمو زي لهجتك وتعاملهم وثقافتهم زيك بتبقى حاجه حلوة
انا عايشة في دولة عربية واكيد احسن من اني اعيش في
دولة اجنبية عشان تقريبا فيه فكر مشابه لفكر اهالي مصر
ولكن لو كان بايدي كان نزلت مصر النهاردة قبل بكرة
عشت سنين طويلة هنا واليوم زي الشهر اللي فات زي السنة اللي قبلها
حياة روتينية كبيرة حتى لو غيرتيها بتلاقي الروتين بيحاول يلازمك
ما فيش احلى واجمل انك تبقي في بلدك ووطنك
وزي ما بيقولو نار الوطن ولا جنة الغربة
تسلمي على طرحك للموضوع .. خالص تقديري وودي
|