بصي
عاوزة الصراحة
جواز النت دة بالنسبة ليا من رابع المستحيلات
لو بصينا اكيد الولد اللي هيكلم البنت لو اتجوزها اراهن انه مش هيرضى يدخلها علي النت تاني
ثانيا ممكن من اي خناقة يذلها بانه عرفها من علي النت واكيد السيرة دية هتضايقها جدا
ثانيا البنت بعد ما هتتجوزه اكيد هتشك كل شوية انه ممكن يكون بيكلم بنت من علي النت وزي ما تجوزها ممكن يتعرف علي غيرها عن طريقة ويتجوزها برضة
دة غير انهم مش بيكونوا عارفين اصل او اخلاق بعض او الشخصية الحقيقة او المستوى الاجتماعي و الفكري والثقافي خصوصا انه النت مكان سهل جدا جدا انه الواحد يكذب فيه براحته
ثالثا : انا بتخيل منظر البنت لما تروح تقول لباباها بابا انا متقدملي عريس من النت
ياسلام سلم
يعني يكون الاب سايب بنته علي الجهاز وهيه تكلم ولد وكمان يقولها نتجوز واكيد هيسال اتعرف عليكي ازاي وكدة وهتعملها مشاكل ولو الواد اترفض اكيد عمرهم ما هيخلوها تقعد علي النت تاني مش بعيد للابد
رابعا: شباب النت دول بيتسلوا اصلا وكل واحد عارف من جواه ومؤمن انه لما هيروح يتجوز هيجوز واحدة محترمة مكلمهاش او ممشيش معاها
وطبعا البنات اللي علي النت بتصدق كلامهم ودة منتشر بطريقة فظيعة ومش عارفة ليه
|