جيتك تفائل مع طموح واماني
جيتك احاسيس وشعورٍ عظيمه
اخترتك اتكون الشعر والاغاني
وابغا اكون الك الرضا والحشيمه
جيتك صدق ماجيتك انسان ثاني
كلي برائه والنوايا سليمه
جيتك من ابعيد المسافات عاني
قلبي على كفي وفزبه غنيمه
انا هنا والشوق صوبك حداني
وانت هنا فالقلب تملك قسيمه
حدودها كل الضلوع المحاني
واثباتها صك العلاقه حميمه
ورسومها بالقلب جرح الزماني
وفيها مساحات الجروح الاليمه
بردها لامن ذكرتك غشاني
وصيفها بالجوف يضرم ضريمه
الى متى وانا من البعد اعاني
واخاف صبري ينتهي بالهزيمه
اسطورة الحب
|