[حياتي ذكريات]

السلام عليكم

مش كل الناس يا أحمد وحشين ولا كلهم ذو أخلاق عالية

ومفروض ما نحكمش بواحد او اتنين أو تلاته على شعب كامل

كده فيه ظلم للشعب المصري كله .. وظلم أكبر لأصحاب الاخلاق

العالية والناس الأصيلة ..

عن نفسي بحب أهالي مصر جدا عشان فيهم الطيبة والأصالة

ومساعده بعضهم البعض بتلاقيهم واقفين جنب بعضهم في الشده

والرخاء وده شفته بعيني .. لما بتحصلي مشكلة الاقي الكل واقف

جنبي ويساعدني ويمد ايده .. عارف انا ساعات كنت اقابل واحد ويعرف

اني بنت صاحبه يقوم يساعدني ويساندني ويقولي ما دامك من الغالي

يبقى لازم نقف جنبك .. صاحبتي أبوها اتوفى وهي صغيرة جدا وما عندهاش

اخوان اولاد يساعدوها ويعيشوها هي واخواتها البنات .. وهما كتير ماشاء الله

كل ما تروح في حته يعرفو ان ابوها فلان الفلاني كلهم يقفو جنبها ويساعدوها

حتى افتكر الدروس الخصوصية عمرها ما دفعت ولا مليم لان الكل كان عارف باباها

وكرم اخلاقه بيردو ليه الجميل .. شفت شعب أكتر من كده بيساعدو بعض

وكتيير مواقف بتعدي عليا بكتشف فيها ميزات حلوة في الشعب المصري

وزي ما فيه الحلو فيه برده الوحش

بس شوف كل واحد سفير لبلده فمفروض كل واحد يتعامل بأخلاق كويسة

عشان الناس تاخد انطباع حلو عنه وعن بلده من خلال شخصيته

ومفروض ما نحكمش من واحد على الكل .. ده يعتبر واحد من ملايين الناس

تسلم على طرحك .. خالص تقديري وودي ليك .. بالتوفيق