منذ /06-16-2010, 07:35 PM
|
#1 |
مميزة للنشاط التفاعلي♥︽ĞaniĐĮЯ︾♥
رقم العضوية : 45542 | تاريخ التسجيل : Apr 2010 | المكان : K.S.A | المشاركات : 16,096 | النقاط : | درجة التقييم : 164 | قوة التقييم : 1 |
أوسمة العضو | | | ظــلآم الليل.... ولّع ظـلام الليـل يـا صاحبـي جـود
قبـل النهـار يقـوم و يـبـل ريـقـه
وش حاجتي للناس مـا دمـت موجـود
مالي و مـال الحلـم .. دامـك حقيقـه
خل الكلام الـذرب .. للطفـل و العـود
او للصديـق اللـي يجـامـل صديـقـه
مابينـي و بينـك مسافـات و حــدود
و ما يجتمع .. ثقل و علاقـه وثيقـه!!
حيرتنـي .. مابيـن وقفـات و صـدود
و الأمر لله .. و أنت شف لـي طريقـه
أما نعيـش و بعضنـا لبعـض مشـدود
و الا نعيش و كـل شخـص و طريقـه
و أرجع أنا .. للوقـت و أيامـه السـود
و لحزنـي اللـي يعتبـرنـي رفيـقـه
تنسى .. و لا أنسى و أذكر الحلم و تجود
قريحـة الشـاعـر بـمـا لا يطيـقـه
و يقال كان الحـال مـن زود فـي زود
و الحين صـار الحـال ضيقـه بضيقـه
و أن كان ما يرضيك .. و العمر محـدود
خذنـي معـك بيـن الضلـوع الرقيقـه
صب المشاعـر داخلـي صـب بـارود
حرّك سكون الليل .. و أشعـل حريقـه
خـل الغـرام يـروح و يلـف و يعـود
و أنفض غبـار القلـب يطلـع بريقـه
يفداك كـل القلـب .. عنقـود عنقـود
من فاكهـة صبـره .. لصافـي رحيقـه
كن الرسايـل منـك فـي درجـي ورود
هذي على هـذي و صـارت .. حديقـه
منها يفوح العطـر و الشـوق و العـود
و تمرني الساعه و أنا أقـراء .. دقيقـه
لا تنذهـل .. شاعـرك مافيـه منقـود
كـل الكـلام اللـي يقـولـه حقيـقـه
ولّـع ظـلام الليـل يـا صاحبـه جـود
و أشره عليه أن كان .. ما بـل ريقـه
|
| |