اعـــــــــدام عاشـــق
سألوني الناس هو إنت لية مش زينا ؟
حسسنا إنك مننا
إمشي في طريقنا وإجري وسابقنا
وخلي همك همنا وقولنا ..
لية بس تبعد عننا ؟
هأقولكم ..
ما أقدرش أبقي زيكم
ما أقدرش أغدر وإنتوا دايما غدارين
ما أقدرش أكدب وإنتوا دايما كدابين
ما أعرفش أزيف في الحقايق وإنتوا زيفتوا السنين
سيبوني وحدي حتي لو عايش حزين
الحزن دة أرحملنا
أنا قولت ياما ..
وكلامي دة ما عجبش حد
قالوا دة مجنون ..وجنانة عايز ألف حد يتشد شد .. ويتهد هد قالوا كفر
قالوا إستحالة يكون بشر
لازم جاسوس إرهابي عابد للفلوس
قتال نفوس دة شيطان
وساكن في البيوت لازم يموت ..
لازم يموت .. أيدنا موتة كلنا ..
قلت إفهموا .. هاقول دفاعي وبعدها إبقوا إحكموا
قالوا خلاص أصل إحنا جهزنا القرار
مذنب ولازم تتشنق أول ما يطلعلك نهار
وفضلت مستني النهار مظلوم وطال الأنتظار
حسيت بمعني الأنهيار والأنكسار
وأنا لسة مستني النهار وحدي هنا ..
ومن بعيد سمعت صوت وصرخة هزت في البيوت
إزاي يموت ..؟
سيبوة في حالة دة كان بريء رحال ..
وتاية في الطريق دة غريب ما يعرفش القانون
ما عرفش إن الكدب بقي لغة العيون
وإن الأماني الطيبة مالهاش مكان غير السجون
وإن اللي يغدر عندنا كأنة عاش طول عمرة يوفي أو يصون
ما فهمش حالنا وطبعنا
أصلة غريب مش من هنا
بصيت لصاحب الصوت وقولتلة هو انت مين ؟
قاللي أنا ؟؟
ما عرفتنيش
حقق وقولي ما شوفتنيش ؟
أنا حلم ضايع من سنين
أيام ما كان في الدنيا زيك عاشقين
أنا حب مات أنا سطر في كتاب ذكريات
أنا حلم عدي عليك وفات
أنا جاي أجيبك عندنا
مديت إيديا وقولتلة خدني معاك
يمكن ألاقي الحب وياكم هناك
فوق في السما ..وألقي الأمال متبسمة
أصل إنتوا فوق ما بتكدبوش ما بتظلموش ..
ما بتغدروش ما تغيروش ميت ألف وش
فوق عندكم مفيش وشوش علشان كدة ومهما طال الأنتظار هاسهر وهاستني النهار
وأستني تنفيذ القرار
علشان أموت وأهرب من الخوف والسكوت
واطلعلكم ومعاكوا أعيش مهما حصل ما يهمنيش
بس إنت قول لحبيبتي عندك ما تخافيش
هارجعلها ..
ومعايا هابقي جايبلها
الشوق علشان ما يضمنا
ويقولنا مهما حصل ..
لازم هاعيش بينكم هنا