[حياتي ذكريات]

السلام عليكم

حاليا بقى فيه تعدد كتير في الزوجات وانا تقريبا عايشة في

مجتمع أغلبه بيتجوز تلاته وأربعه .. وعندي زميلات كتير

والدهم متجوز 4 .. وبيعتبرو ده شيء عادي لانه هنا منتشر

حكاية التعدد وما فيهاش عندهم مشكلة .. بس بصراحة حكاية التعدد

مش مؤيداها عن نفسي خالص لاني عاشرت كتير من أبناء التعدد وحسيت

انهم مش مرتاحين خالص يعني لما تكون بنت ليها فوق 21 اخ واخت

وأبوهم مش بيهتم بيهم او مش بيراعيهم مش هيحسو بالجو الأسري الجميل

غير ان غالبا بيكون الأب مش موفق او عادل بين زوجاته وبتحصل مشاكل كتير

وكمان مش بيبقى فيه ترابط بين الأخوة والأخوات نفسهم تحس كل واحد عايش

لحاله .. انا اعرف واحده كانت زميلة ليا في اولى اعدادي اختها كانت مدرسة لينا

عمرها في الأربعين تقريبا يعني فيه بينهم فارق سني رهيب

كمان التعدد مشروع بس لازم العدل بين الزوجات وقليل جدا من الرجالة

حاليا اللي بيعدلو لو كان متجوز أكتر من واحده

فعشان كده مش بحب التعدد من جميع النواحي ومش بحب أكون زوجه

زوجة تانية خالص لاني هفسد سعاده اسرة لو كان مبسوطين ومستحيل

أخلي نفسي مصدر تعاسة لانسانه كانت عايشة هي لزوجها طول حياتها

والانسانة اللي تهتم بنفسها او انها تجلب الراحة لزوجها وتوفرله السعاده

معاها مستحيل تخليه يبص لواحده غيرها ..

وانا بما اني امرأة وكل امرأة فيها صفة الغيرة فطريا على زوجها صعب جدا

اني أشوف زوجي مع وحده غيري وانا مش مقصرة في حقه

الا لو كنت مش بخلف فعادي يتجوز عليا مش هحرمه انه يكون أب لكن بشرط العدل

تسلم على طرحك الجميل والوافي .. خالص تقديري وشكري ليك