[بحار فى بحر الحب]

بسم الله الرحمن الرحيم

اللهم صل على محمد وعلى آله وصحبه أجمعين

السلام عليكم ورحمة الله وبركاته

ماااااااتركس ابن عمى عاوز اشوف ارائك وراء باقى الاعضااء هنااااااااا بجد بها الموضوع



أنا مسافر في دولة عربية، واتعرفت على زميلة في الشغل مسافرة هناك بعيد عن أهلها، وشفت إنها محترمة، وبالفعل صارحتها بإعجابي بيها، وكان ردها إنها هي معجبة بي أكتر، وبالفعل كلمت أهلها خلال شهرين.

وكانت بترفض تخرج معايا، وكنت مبسوط بكده جداً، وكمان بعد الشغل ما كانتش بتردّ على تليفوني، وكنت شايف إن ده أدب وإنها عايشة كأنها في البيت، وعاملة رقابة على نفسها.

لغاية كده كويس، وكنت حاسس إن ربنا وفّقني للإنسانة المناسبة؛ ولكن المفاجأة كانت أقوى من أي كلام.. ظهر كام حاجة لفتت نظري إلى أن فيه سر في علاقتها بزميل لينا بالعمل، ومشيت ورا شكوكي إلى أن وجدت إنها عايشة مع زميلنا ده من سنة؛ يعني من قبل أنا ما آجي على الشغل.

أنا صوّرتها وهي معاه وداخلين السكن، وكمان عندي شهود زي البواب والبقالين وأشياء تاني كتير.

بجد مش عارف أعمل معاها إيه، وصعوبة المشكلة إني باشوفها كل يوم.. وهي في الفترة الأخيرة حسّت إني شاكك في حاجة، وبدأت تبعد شوية بشوية.

المشكلة إني أحياناً بافكّر أدمّر حياتها وأفضحها في الشغل وعند أهلها وأحياناً باقول: حرام، الحمد لله إني لسه ارتباطنا مش رسمي وربنا كشف لي الحقيقة في الوقت المناسب، وباقول أهلها ذنبهم إيه لما يعرفوا حاجة زي كده، وكمان مش قادر أتحمّل إني أشوف إنسانة أعرفها عايشة في الوضع ده.

باشكركم مرة تانية وبجد رجاء الاهتمام والردّ عليّ في أقرب وقت لأني بجد ممكن أعمل حاجة أندم عليها بعدين.