الموضوع
:
الاختيار مش بالساهل للشاعر سامح طاحون
عرض مشاركة واحدة
منذ /
07-02-2010, 03:14 AM
#
1
nada1991
رقم العضوية :
48130
تاريخ التسجيل :
May 2010
المشاركات :
3
النقاط :
درجة التقييم :
50
قوة التقييم :
0
أوسمة العضو
الاختيار مش بالساهل للشاعر سامح طاحون
الاختيار مش بالساهل للشاعر سامح طاحون
الاختيار مش بالساهل
مابين موت وموت فى ايه يستاهل
وازاى اختار مابين جرحين
وغيرى يكون اختياره فرحين
وقلبى يعشق والعشق ماله عين
وعقلى يسرح وتذداد حيرته مابين الظنون والبين
والجرح يكبر بسبب فراق حبيبين
والعمر يقصر والدمع يملى العين
قولولى مره اختار ولو لمرة
مابين حاجتين
يكونوا متناقضتين
لا حزن وفرح
اوجنه ونار
خلاص عقلى احتار
وانتوا تقولولى تستاهل
وانا بقول عمر الاختيار مكان بالساهل
**********************
اذاى اختار بين موت وموت
اذاى اختار بين شخص بيموت وشخص زمنه بيفوت
اذاى اختار بين صديق بيغدر وصديق بيخون
اذاى اختار بين عشره رفيقى فيها باع
وبين عشره تانيه على الرفيق بتهون
ازاى اختار بين راحه من الظنون او راحه من الاسرار
قولولى بسرعه قبل ماعقلى يحتار
وتقولولى تستاهل
وارد واقول عمر الاختيار مكان بالساهل
**************************
انا شاب عايش فى بلدى بين القيل والقال
بطير مع لحن اغنيه وبسرح مع كلمتين فى موال
عاشق صحيح بس بكره الحب
لان زمن الماديات عمر ماكان له قلب
واحنا كشباب برغم الظروف
وبرغم الهم اللى بعدد الكلمات والحروف
لسه بنحب
والجنس الاخر عايش يطوف
وناسى الظروف اللى بتخرجنا عن حالنا المالوف
عايش علشان يتحب
وعند الجد يقف زى اى سد متين مش ممكن يهده حد
ويختار صاحب المال
وكنت اسمع زمان
ان البنات عايشين بس ومالهمش حس فى انتظار ابن الحلال
وسبحان مغير الاحوال
دلوقت راح زمان
واتبدل المكان
واتنسينا احنا ودنيتنا واتشقلب العنوان
صبحوا البنات عايشين مش فارق معاهم مين او مين
عايشين مستنيين صاحب المال
وبالمره مبقاش يفرق معاهم ابن حلال او ابن حرام
ياللى بتقول ان قلبك داب فى مخلوقه
وفضلت تسهر ليالى تعد النجوم وتوصفها بنبتته برقوقه
وتغيب تغيب وترجع علشان بس الحبيب له شوقه
عايز اقولك كلمتين
وافهمنى قبل ماتتكلم او تدور على حجتين
تبرر بيهم غفلتك وغلطتك اللى هتخلى قلبك يفضل طول عمره حزين
عايز اقولك كلمتين
انا حبيت
لانى واحد زيكم
وعشقت وغنيت
منا اصلى برضه منكم
وف اول مقلب يامعلم
قولت بس
توبه
واسكت ياقلبى هس
اهى مرة وعدت دى النوبه
وعمرى ماهكررها تانى
ومرت ايام وليالى
وعادت نفس الاوقات من تانى
المهم والقصد حبيت تانى
وغنيت ولفيت وفى ليالى القمر ياما حكيت
واول مأخدت العلقه تانى
قولت بس اقف يازمانى
واثبتى يا ايام
مين السبب فى ده
انا ولا هى
ويلف العقل فى مداره
ومع اصفرار وشى واحمراره
عرفت كل شئ
عرفت ان قلبى بريئ
وعرفت انى غلطان فى حاجه واحده
هى
انى وافقت انزل فى الغريق
وابص لحالى
ابكى
واحكى قصتى فى موالى
احكى
لكن لما بصيت على غيرى لقيت الكل بيبكى
ولقيت الكل بيحكى
قولت ياعم انا مالى
اهى دنيا دايرة
والمراكب اهى سايره
ونافورة الشوق هتفضل فايرة
بس كان لازم اعرف مين غلطان وايه السبب
لانى محبش يكون الجنس الاخر هم السبب
لانهم منهم امى واخواتى واصحابى
وكان منضملهم احبابى
بس اكيد السبب هو الزمن
واللى ساعد الزمن طيبتى
الزمن هو اللى ضرب
والدنيا سحبت السكين على رقابتى
ولو فى سبب تانى قولولى
قبل ما اخرج عن شعورى
واحتار زياده من كتر الافكار
وتقولولى تستاهل
وارد انا واقول عمر الاختيار ما كان بالساهل
للامانه منقوووووول من
مدونة سامح طاحون
nada1991
مشاهدة ملفه الشخصي
إرسال رسالة خاصة إلى nada1991
البحث عن كل مشاركات nada1991