[تانيا]

ارجو ان ندع العنوان المستفز قليلا

بعترف اني كتبته عشان تدخل تقرأ الكلام دا


ترددت كثيرا قبل ان ابدأ الكتابه في هذا الموضوع

ف ربما لا اكون مؤهله كي اخوض ف الحديث فى عن منطقه بعينها

او ربما لأنه عندما نتحدث عن الأديان يجب ان نتمهل قليلا

لكن ف النهايه قررت ان اكتبه لعلنا نجد بعض الحلول

ف البدايه يجب ان تكون صريح مع نفسك



هل انت شخص عنصـــري ؟



ارجو الأ تتسرع بالأجابه

العنصريه في ابسط معانيها هي الافعال او المعتقدات التي تقلل من شأن شخص ما كونه ينتمي لعرق او ديانه او جنس ما


بمعني انك لو عاملت حد معامله مش كويسه عشان ديانته تبقي عنصري

لو فكرت انك احسن من -عم عبده البواب – لمجرد انه نوبي تبقي عنصري

حتي لو عاملت المرأه بطريقه مهينه نبقي عنصريين

طب مين فينا متريقش ع الصعايده ؟!

هسألك تاني


انت عنصـــري ؟


طب استني شويه

انت ليك علاقات بحد مسيحي ؟ ولو في شكلها ايه العلاقه دي ؟

كم من الافلام والكتب والروايات تكلمت عن تلك العلاقه

ولكن الواقع مختلف

احنا لسه بنحدد ف تعاملتنا ان دا مسلم ودا مسيحي

لسه عايش وسطنا ناس عنصريين

من فتره كنت نزلت خبر عن انفلونزا الخنازير واتناقشت معايا واحده صحبتى عن اعدام الخنازير وانا كنت شايفه مش دا الحل ، ف فؤجئت بيها بتقولي لا كده احسن ، انا اصلا مبحبش المسيحيين دول !!


في عنصريه وفي تطرف ومن الناحيتين للأمانه

ودا عمل مشاكل كتير اوي الفتره اللي فاتت

المشكه ان النظام فاكر الحل ف موائد الوحده الوطنيه

وعاش الهلال مع الصليب

وسايب الامن هو اللي يتصرف ف اي مشكله تحصل



دلوقتي اي مسلم مقتنع انه لو عمل مشكله مع حد مسيحي هيعتقل وهيعاني امنيا

وان رؤؤس الأموال اللي فـ البلد معظمها مع مسحيين



من ناحية تانيه المسحيين حاسين باضطهاد وظلم وانهم مواطنيين درجه تانيه

وانهم مش واخدين حقهم فـ المناصب القيادية



اخر مره هسألك : انت عنصـــري ؟


بالنسبه ليا احمد الله اني لا احمل ف قلبي اي ضغائن لأي شخص بسبب ديانته او لونه او جنسيته بالعكس والله انا بحبهم جدا وبقدرهم بالنسبه لأخواتنا المسيحيين

كمان اخف دم ف صحابي كانوا بشرتهم سمرا

لسه ف دماغي كلام كتير بس حسه اني طولت عليكم


كلمه اخيره : بتمني نرجع مصريين من غير تطرف او الوان او اعراق

ملحوظه .. الموضوع ده شوفته في منتدى تانى وعجبنى وحبيت أشوف أرائكم

تحياتى

تانيا