[حياتي ذكريات]

السلام عليكم

موضوع الاخطاء الطبية بقى شائع جدا الايام دي

والمشكلة كلها بتتلخص في انعدام الضماير من الكل

خلينا نقول من البداية الطالب اللي بيتخرج من جامعته واللي نسبته

كلها واخدها عن طريق الواسطة ازاي هيطلع دكتور يقدر يعالج صح

لازم نعرف ان الدكتور من اهم الناس في مجتمعنا لان بايده انقاذ

موتى باذن الله والحفاظ على ارواحهم

عارفة دولوقتي لما تلاقي دكتور مات شاب على ايده بسبب خطأ طبي

يطلع يقولك بكل برود خطأ طبي بيحصل كتير للأسف وأدى للوفاة

بجد بتتنرفزي بس اللي قدامك خد على المهنة او مش حاسس باهمية مكانته

لو كل طبيب حط في باله ان عليه مسؤلية كبيرة وعليه مهمة صعبة

وعليه انقاذ انسان من الموت باذن الله يبقى هيأدي عمله بالشكل المطلوب

بس بصي محدش معصوم من الخطأ ويمكن لو كنت انا مكان دكتور يمكن اغلط

لكن مفروض احس بخطأي وأندم عليه اشد الندم واتعاقب عليه لان كل حاجه

وليها ثمن وانا اتسببت في وفاة انسان يبقى مفروض يبقى ليا رادع ولغيري

عشان انا اتعظ وغيري يتعظ معايا ونتبه كويس في شغله

لكن اني اغلط والغلط ده يتكرر مرة واتنين وتلاتة فدي بقى مشكلة كبيرة

لازم كل طبيب يراعي ضميره وكل مريض قدامه يشوفه كانه ابنه اللي ما خلفوش

ويعرف ان المريض ليه عليه حق

تسلمي على طرحك .. تقديري وودي