 منذ /07-12-2010, 08:14 AM
|
#1 |
مشرفة يوميات الأعضاء سابقا 
| ليه العزيمة بتضعف والواحد مش بيقدر يكمل فى الطاعة؟؟!!!!
بسم الله الرحمن الرحيم السلام عليكم ورحمة الله وبركاته مشكلة كبيرة أوى ومهمة أوى بتقابل ناس كتير جدااا لما بتنوى تاخد خطوة جد فى حياتها بالنسبة للطاعة واحد نوى صيام اتنين وخميس أو يوم منهما والتزم بكدا بس مقدرش يكمل واحد نوى يصلى قيام ليل كل يوم ولو بركعتين وحاول شوية وبعدين مكملش واحد نوى يحافظ على صلاة الفجر كل يوم وحافظ عليها أسبوع - أسبوعين- شهر .... وبعدين بشوية ريّح ومقدرش يكمل واحد نوى يحافظ على ورد يومى من القرآن والتزم بيه فى الأول وبعد كدا قلل منه جامد واحد نوى يحافظ على الأذكار كل يوم وحافظ فترة وبعد كدا تكاسل أو بالمعنى الأصح الدنيا لخمته !! وغيرها من الطاعات التى تهبط معها العزائم تباعا طيب أهم حاجة انا نعاين المشكلة كويس أوى وبعدين نشوف هنحلها ازاى لأن الحال دا وعدم الاستمرارية فى الطاعة شىء مش كويس على الإطلاق ويتبعه شعور نفسى وضيق رهيب ... أكيد كلنا بنحس بالموضوع دا دى بعض الحلول العملية للمشكلة دى والله الموفق : 1- تكتب ورقة وتعلقها فى أى حتة فى المنزل تتردد عليها كثيرا مكتوب فيها عملك اليومى من الطاعات ودى انا فعلا جربتها ونجحت الى حد كبير والحمد لله ولو ما زال فيه تقصير بس لازم نشجع بعض لأن الواحد لوحده برضه ممكن يتكاسل تكتب فيها مثلا  وممكن تزود على الحاجات دى تانى .... بس تعلـــّم كل يوم قدام كل حاجة وتشوف الحاجات اللى مقدرتش تعملها فى اليوم دا عشان تقدر تعوضها بعد كدا 2- تستعين بالله بصدق قبل كل عمل وتفتكر كويس انه هوا اللى وفقك للعمل دا 3-تتذكر جيدا هدف الشيطان انه يحبطك عن كل طاعة وانه مصدر هذا الإحباط ودا شغله كل همه انه يشوفك ضايع ومتكاسل فى الطاعة 4- تذكر جيدا قول عمر بن الخطاب : حاسبوا أنفسكم قبل أن تــُحاسبوا وزنوا أعمالكم قبل أن توزن عليكم 
|
|
| |