[ميمووو999]

(( الحكمه ضالت المؤمن .. .. اينما وجدها فهو احق بها .. .. ))


حتى لو وجدها في .. ..


(( ستار اكاديمي )) .. .. !


انا بقول الكلام دا ليه .. ؟!



انا طبعا ً مش بقول اتفرجوا عليها .. ..


لكن انا بس بحكي موقف حصلي ..


وهو ان كانت في مذيعه على التلفزيون بتتكلم عن ستار اكاديمي .. و ان ازاي الاولاد دول مسلطه عليهم


الكاميرات طول الوقت .. و انه ازاي كل حركه و كل كلمه محسوبه عليهم .. .. و ان ملايين من البشر بيشفوهم


.. و بيعلقوا على تصرفاتهم .. و .. و ..



و قد ايه دا مربك و محرج .. و قد ايه اكيد الضغط عليهم كان كبير ..


و حكت لنا .. و قالت انها شخصيا ً مرت بالموقف دا لما كانت في مؤتمر في فرنسا .. و كانت الكاميرات

محطوطه في كل حته و بتصور كل الحضور طول الوقت من غير توقف .. ..

و قد ايه هي كانت ( عنيها في وسط راسها ) و واخده بالها من كل كلمه و كل حركه هي بتعملها طول الوقت


و قد ايه دا كان متعب .. و … و .. ..


و هي بتتكلم .. .. بدأت اتعاطف معاها و اقول لنفسي .. .. فعلا ً .. ..

الوضع صعب .. ياريت ما اتحطش انا ابدا ً في وضع زي دا .. ..

دا انا لو كنت في مكانها كان زماني .. لا مكانها دا ايه انا اصلا ً مستحملش الضعط دا لحظه واحده !

.. .. دا انا .. ..

و في عز ما انا بفكر .. .. لقيت حاجه بتقولي .. ..

ثانيه واحده .. .. !


طب ما انا فعلا ً اتحطيت في الوضع دا كتير .. مش انا بس .. كلنا اتحطينا في الوضع دا كتيييييييير .. ..


بس احنا اللي مش واخدين بالنا .. ..

احنا كلنا مرينا بلحظات كان فيها كاميرا بتراقبنا .. و بتعد علينا تصرفتنا و خطوتنا .. ..


لقيت الحاجه دي بتقولي .. .. انت مريت بالتجربه دي قبل كده .. ..


لاء .. .. دا انتي بتمري بها في كل لحظه .. ..

و اذا خلوت الدهر يوما ً فلا تقل *** خلوت و لكن .. قل علي رقيب

طول الوقت في ملكين على الشمال و اليومين بيحصوا علينا افعلنا .. ..


طول الوقت .. ربنا شايفنا و شايف كل افعالنا ..


و ساعتها .. .. فؤت تاني لقيت المذيعه لسه بتتكلم .. بتتكلم عن .. ايه اللى الناس بيحسوه لما بيرقبهم بشر زيهم

بيغلطوا زيهم .. و لهم عيوب زيهم ..


بس المره دي تأثير كلامها عليا كان مختلف ..




بدأت اسأل نفسي .. ..


لماذا جعلت الله اهون الناظرين الي .. ؟!




... .. .. .. .. ..


و مش فاكره بعدها ايه اللي حصل .. ..

بس اكيد يعني .. .. نسيت اللى حصل .. و كأن شيئا ً لم يكن .. .. !


او ان الصوت اللي جوايا .. اللي كان بيكلمني ( و اعتقد انه ضميري يعني )


( خدله تعسيله ) .. !



مش فاكره .. !


لكن عموما ً .. احنا لسه فيها ..


انا افتكرت الموضوع دا النهاره .. ..

و عشان مرجعش انساه تاني .. ..

عاوزاكم انتم كمان تفكروني بيه .. .. بجد انا حسيت ساعتها احساس غريب عليا ..

احساس مش عاوزه انساه تاني .. ..

عشان كده قررت احول الاحساس دا لواقع عملي .. ..




ربنا شايفني .. دي حقيقه مسلم بيها

لكن انا مش حساها .. !

طب اعمل ايه عشان احسها .. .. ؟!

لو قلت استشعر من دلوقتي وجود ربنا .. .. و اوطن نفسي على كده .. ..هيبقى صعب جدا ً .. ..

صعب عليا ان انا اوصل للدرجه العليه دي مره واحده ..

السلم لسه طويل ..


عشان كده .. اخدها واحده واحده احسن ..


و اللي عاوز يشاركني في الخطوات العمليه دي .. يتفضل :


1- هنجيب ورق كرتون .. و نقصه و نعمله على شكل كاميرا .
2- نحدد اكتر اوضه في البيت بنقعد فيها .
3- نحط الكاميرا بتاعتنا في ركن في الاوضه .
4- نتخيل ان طول ما احنا قاعدين في الاوضه دي الكاميرا دي بتصورنا و بتنقلنا بث مباشر لملايين الناس و بتشوفنا
5- مش لازم نعمم الموضوع دا على كل الاوض خلينا مركزين في اوضه واحده بس .. .. طول ما انت فيها انت متراقب .. لما تطلع منها .. انت حر . ( في الاول يعني )
6- لما الموضوع يحقق نتائج كويسه .. نخش على الخطوه اللي بعدها .
7- نفس الكاميرا في نفس الاوضه .. بس المره دي .. مش ملاين هما اللى بيشفوك .. و انما ..واحد بس .. اختار حد انت بتحبه و يهمك صورتك قدامه .. هو دا بس اللى يقعد قدام الكاميرا و يراقبك ..
8- نفس الكاميرا في نفس الاوضه لكن اللى بيشوفك المره دي محمد صلى الله عليه وسلم .
9- لما الخطوه دي تجيب نتايج حلوة .. ندخل على الى بعدها .. و هى ..
10- اننا نتخيل ان ربنا هو اللي شايفنا من خلال الكاميرا دي ..


و شويه بشويه .. .. بعد شويه تعب و مجاهده للنفس و تربيتها ..

هنعمم الكاميرا دي فهتبقى في كل الاوض .. في البيت .. في الشارع .. على السلم .. و عند الجيران ..

في كل حته ..

و شويه بشويه .. هنرمي الكاميرا دي خالص .. و نستشعر ان ربنا شايفنا مباشره بلا واسطه

و طبعا ً هى دي الحقيقيه .. ..

و اكيد .. اكيد .. حياتنا ساعتها هتكون اتغيرت كتيــــــــــــــــر .. .. ..

للاحسن طبعا ً .. ..


مين معايا في الخطه ( ذات العشر مراحل ) دي يا شباب .. !

ارجوكم سمعوني رايكم فيها ..

و اي تعديل او تطوير للفكره ..

انا برحب بيه مقدما ً