[احمد العليمي]

يـــــا سائلة عن قـــدرك في حياتي شـــــلون
ما تدرين ان الحياة بدونــــك ما لها لـــــــون


و انك بسمة على شفت مسكين محــــــروم
و انك شمعة تنورين بنورك كل هالكـــــــون


بعالي الصوت قالها لك صمت السنـــــــــين
لا.. ما لك مثيل و يشــهد قلبي المفتـــــون


و الحـــــزن ما هو بختياري اني حزيـــــــــــــن
من ربي هـــــذي قسمتــي وكلنا مؤمنـــــــــون


صدقيني لو ما لــــك مكان بدنيتي كنت أنا الحين
تايهٍ بين عقلي و بينك و اشباح الجنـــــــــــون


تعالي واسئلي قلبــــــي وخلي بيدك السكيـــــن
لجل تنقشين بيدك.. حروف حبي المجنـــــون


او تحكميــــن باعدامه .. وحبي تذبحيــــــــــن
بس تذكري وانتي تذبحيـــن قلبك الحنــــــــون


لا ينسيك انــــك تحاوليــن باعدامه ترفقيــــــــن
وتسألينه بقلبــــــــك مره ومرتيــن ومليـــــون


قلبــــك اللي حنانه يغطي الناس والاكثر تملكيــن
اقولها مشاء الله اخاف عيون الناس يحســـدون


يا دمعه تكفيــــــن .. تكفيـــــــــــــن لا تنزليـــــن
اخاف تجرحيـــــن اهداب اغلى عيــــــــــــــــــون


يا دمعه مكانك هنا في عيون صمت السنيــــــن
و ابشكرك يا دمعه في عيـــــــوني كل الشجون


هذا صــمت السنين كانك عرفتي او تعرفيـــــــــن
اني احبك و امـــــوت بحبك يا سحر العيـــــــــون,,,,