السلام عليكم
هو فعلا موضوع مستفز
بس نتكلم بصراحه شويه على الطرفين الولد والبنت
كلكم قولتو ان اللوم على البنات وهى اللى بتستفز الشاب
وان لبسها لو محترم محدش كان بصلها بالعكس كان هيحترمها
طيب مهو الغرب كلهم لبسهم ماشاء الله انتو عارفين
سمعنا مرة ان حد اتحرش ببنت فى الشارع ولا اى حاجة من اللى بيحصل هنا
الموضوع اكبر من اللى انتو بتتكلموا فيه دة
دة بيرجع لحاجات كتير اوى جوا البلد ممكن تكون الظروف اللى عايشين فيها
يعنى الشاب بقى عنده 30 سنه ومش عارف يتجوز بسبب المصاريف والمعيشه
وهتلاقيه ارفان من العيشه اللى عايشها ومش طايق حد
لما بقى يشوف واحدة ممكن نقول لبسها مستفز شويه
المطلوب منه انه يعمل ايه ؟؟؟ وهو بيشوف الفضايات والافلام اللى انتو عارفنها كويس
انا مش بقول البنت مش عليها لوم لا طبعا
هى لازم تكون خارجه من البيت بالزى اللى شرعه ربنا
بس فى نفس الوقت خلى عندك انت حياء وادب ورجوله وشهامه
ومتبوصش على حاجة مهما كانت هى لبسه ايه او حتى مش لبسه
المفروض انك انت زى اخوها تغطيها مش تتحرش بيها
يعنى ممكن القول فى الموضوع دة
لازم ننمى الوازع الدينى للشباب والشبات ونقلل من التشبه بالغرب
احنا بنقلدهم بشكل غلط ومستفز ويسئ لينا احنا كمان
موضوع لا ينتهى الحديث فيه
بالتوفيق ،،،
|