ياسيدى الوالى
يالعنة فى سمانا
تسمحلنا بلحظة
من ظلم مولانا
ليه كلمتك إنت
هيا إلى مسموعة ؟؟!!
والكلمة لو منا
بايخة ومقطوعة !!
الظلم ياسيدى
جالك على جوعة ؟!
ولا انت متأصل
فى اللعب بدمانا ؟ !
ياسيدى الوالى
يالعنة فى سمانا
نظارتك السودة
دايما ملازمانا
عالوش مسنودة
فى العيشة ويانا
إقلعها ياسيدى
دى الخلق تعبانة
خلينى أشوف ضعفك
مالظلم قوانا
خلانا نتكلم
بكفاية دى إهانة
بكفاية تتبسم
والدمع جوانا
ياسيدى الوالى
يالعنة فى سمانا
لما أنا صوتى
عليتة من ظلمك
أصدرت فرمانك
سمتنى بعدوك
هوة الكلام نعمة
مخلوقة لسموك ؟!
لأ بردة هتكلم
واخبط دماغ أمك
سيبك بلا سيرة
ودى سيرة بتغمك
بالإذن أنا ماشى
يارب تنسانا
ياسيدى الوالى
يالعنة فى سمانا
إهداء إلى رئيسى فى العمل