اليوم
10\9\2010
الساعة 1.50
انهاردة اول يوم من عيد الفطر و كل سنة و انتم طيبين
و عيــد سعيد
بس انهاردة اول عيد احـس انى مخنوقة فيه
العيال صحباتى دول
محدش منهم عبرنى بنص رسالة
بجد بجد انا مخنوقة
و خسارة فيهم حتى انى ابعتلهم اى حاجة
او حتى اتصل بيهم
بس انا فرحانة عشان انتم الوحيدين اللى تقدروا تباركولى
عسولهـ بعتتلى رسالة عيد سعيد
بس مكنتش لوحدى
بس المهم انها افتكرتنى مابين كل الناس
بس مش عارفة اعمل ايه ف العيد دهـ
انا بفكر اقعد فى البيت و مخرجش
على رأى المثل من خرج من داره اتقل مقدارة
ههههههههههههه
بس بجد انا بفكر فى كده
و كمان جدتى هتيجى تقعد معانا كام يوم لغاية ما تسافر
الحج
زى مانا قولتلكم قبل كدهـ
يعنى اهو نوع من الترفيه عن نفسها
بس احلى حاجة فى العيد ان احنا نكون مع اصحابنا
و قرايبنا
بس احنا بقى للافش
بنروحش لحد ولا بنحب حد يجيلنا
انا بصراحة بدأت ازهق من القعدة فى البيت
انا تقريبا مخرجتش من شهرين او تلت شهور
بس يلا اهى الايام جاية
لماا نشوف هيحصل فيها ايه
..........
|