[ღ Gի๐sτ ღ]

اقتباسالمشاركة الأصلية كتبت بواسطة M.Aمباراة تحصيل حاصل

فى ظل غياب الهيكل الاساسى للفريق

وانا من رأيى نحاسب حسام البدرى فى نهاية الموسم ...


تمام وعليك نور

البدرى لعب بطولة

الدورى - الكاس - دورى ابطال افريقيا- كاس السوبر

فوزنا بكل البطولات عدا بطولة الكاس وخسرناها بضربات الجزاء وهذة حظ

اما اخر موسم مع جوزية لعبنا فى

الدورى - الكاس - دورى ابطال افريقيا - الكونفدرالية -

خسرنا كل البطولات ومكسبناش غير بطولة واحدة اللى هى بطولة الدورى فقط وكنا كسبناها بالعافيه وهدف فى الدقيقة 93

يعنى محدش شتم جوزية وقتها ولا عمل اى حاجة .. رغم انة خسر فى الموسم وقتها 3-0 من فريق من انجولا:Sport-007:

وبردو هو هو جوزية اللى خسر من الاسماعيلى 4-0 فى بطولة العربية و 3-0 فى استاد القاهرة

----------------------------------------------------------------------------

انا عارف ان البدرى مش كويس وبيخرب الاداء بسبب عدم تثبيت الخطة بس الله يكون في عونة الراجل من اول مامسك الاهلى واللاعبين بتتصاب وكان بيلعب بناشئين

وغير كدة

الجمهور مؤثر عليه اكيد .. بس لو ندية الراحة التامة زى ماكنا بنريح جوزية .. اكيد هايطلع المواهب اللى عندة لان مفيش حد بيقدر يعمل حاجة وهو مكروة من الناس

------------------------------------------------------------------------------------

والغبى اللى يقول هما هما نفس اللعيبة اللى كانو مع جوزية يبقى العيب فى المدرب فقط

ماهو بردو امبارح مش زى النهاردة

ابوتريكة مع جوزية كان فى عز مجدة .. دلوقتى مبقاش لية لزمة مع الاحترام لية .. يعنى دة عيب فى ابوتريكة اول حاجة

2- وائل جمعه بقى يخرف دلوقتى بسبب سنة لما كبر شوي وبقى فى لاعبين فى افريقيا افضل منه مثل مجيد بوقرة .. ومحدش يجامل وائل جمعه ويقول هو الافضل .. اتفرج عليه فى جول سيراليون وشوف الخطاء

شوفو مع شيكابالا .. شوفو مع الفرق بالدورى .. شوفو الخطاء بتاعه فى مطش الاتحاد الليبى لما كان هايودينا فى داهية .. هاتلاقية مبقاش زى الاول وبقى مش مركز وبقى يخرف احيانا

3- احمد حسن .. مع جوزية كان برنس .. دلوقتى مبقاش يعمل حاجة غير انة ياخد الكورة ويلف بيها او يشوط برة الجول

4- حراسة المرمى . المثل بيقول حارس المرمى بنص الفريق .. واهم حاجة حارس المرمى لان لو فية حارس كويس هايشيل حاجات كتير .. ومحدش يجيب اكرامى زى ماكان الحضرى مع جوزية

لان بردو الحضرى لما كان مع جوزية كان بيشيل الفريق من كوارث كتير .. ولو كان معاه حارس مش قوى زى اكرامى دلوقتى كان زمان الاهلى بان على حقيقتة واهداف كتير بتدخل مرمانا زى دلوقتى .. انا اهلاوى بس دى الحقيقة لان الحضرى كان بيشيل كتير جدا

5- محمد شوقى .. مع جوزية كان احسن نص ملعب فى مصر .. دلوقتى بقى فى الضياع وبقى اكنة زى الغريب فى الملعب محدش من الجمهور بقى يديلة قيمة ولا حب والجمهور احساسة بشوقى عادى .. لا حب ولا كراهية بس لاعب فى الفريق مش اكتر .. عكس الاول كان واخد حب الجمهور وكان بيكسر الدنيا فى الملعب

6- غياب نجوم لاعبين كانو من اهم اللاعبين مع جوزية مثل عصام الحضرى - عماد النحاس - وجلبرتو - فلافيو -