يمكن احنا مش بننسى بس بنتناسى ومع الوقت والزمن بيتحول لنسيان بس مع اول موقف شبيه بتتفتكري
مثلا في حاجات بتعيد نفسها باستمرار بتحاولي بس مبتقدريش يمكن ضعف ويمكن صعوبة في التخلص من الذكرى
انا مريت بظروف وفاة ابويا الله يرحمو بس يمكن موقف استقبالي لموتو مش قادرة انساه وكل ميعدي عليا ظروف لموت حد او لقطة في تلفزيون او حكاية بينعاد من تاني كانو حاصل من شوية وتخنقني العبرة
-
وفي مواقف بتعدي عليكي عايزة تفتكري حاجة حصلت ليكي في نفس الحدث مبتقدريش وتكون بحاجة لكدا بس بردو بيخذلك يعني مثلا تفتكري اسم حد او عنوان حد او رقم حد وممكن يكون عزيز عليكي اوي اوي وبردو مبتقدريش
انا كان ليا زميلة كانت عزيزة عليا اوي اوي وعدت سنين واتقابلنا صدفة تخيلي افتكرت اسم ختها وهي احاول اجيبو مش قادرة لدرجة انها زعلت مني عشان هي فكراني وانا فاكرة معاها المواقف بس اسمها وحياة ربنا مقدرت افتكرو
ماما سعتها قالتلي عشان انتي عايزة تفتكريه مقدرتيش بس لو سيبتي نفسك وطنشتي هتلاقيه جيه في بالك
وحاجات كتير اوي في حياتنا احنا بنخزن في ذاكرتنا الكتير بس من كتر مبتخزني بيتهنجي ومبتقدريش تستوعبي كلو ع بعضو
/
تحياتي ليكي ع التوبيك ياعسل
|