السلام عليكم ورحمة الله
تحية تليق بقلوبكم الجميلة
أحبتى - أصدقائى - أخوتى
اعرفكم بحبيبتى اللى مجنانى
*****
اعرفكم بالشقاوة والطيبة كل ما فيها من معانى
*****
بصراحة خايف عليها من عيونكم تقوم تنسانى
*****
وأفضل ادعى عليكم ربنا يحقق لجميع الامانى
*****
مش هقدر ابعد عن حبيبتى وأسرح معكم بكلامى
*****
دى هى الطيبة وهى الفرحة وفى الحياة عنوانى
*****
بجد بحبها بجد وطول الوقت مبتبعدش عن خيالى
*****
ليها ملامح بريئة سكنت نفسى قلبت حالى وكيانى
*****
ليها نظرة فيها رقة معرفش بحس انها سحرانى
*****
ووقت البسمة بلاقى شروق ودنيا جميلة ضحكالى
*****
ولما تخرج منها الكلمة أحساسى بيروح لعالم تانى
*****
بحس انى فى بستان كبير فية يمر العمر فى ثوانى
*****
زهور وطيور وبينهم فراشة جميلة محيرانى مجننانى
*****
بجرى وراها فى كل مكان بحبها اصلها كل حياتى
*****
بخاف عليها بجد من لحظة حزن تدمر قلب فؤادى
*****
لو شفت يوم دمعة تسيل على خدها يكون يوم وفاتى
*****
أو كلمة تجرح قلبها امسح الحب من قاموس كلماتى
*****
دى هى النور وهى الشمس وهى كل لحظات حياتى
*****
لاكن سبب حبى ليها انها انسانة فى كل لحظة فكرانى
*****
عملت منى أمير للحب وغنوة جميلة كلها من ألحانى
*****
نعزف معنى الحب بصدق وأخلاص تتحقق لينا الامانى
*****
انتى الحبيبة وانتى الرفيقة وانتى الصديقة لأحساسى
*****
عرفتو مين حبيبتى اللى ساكنة الروح وشغلانى وأسرانى
*****
عرفتو مين هى هى حبيبة مريحانى لانها عايشة فى خيالى
*****
تقديرى وكامل احترامى
*****
عصام
***