هو دا طعم الحياه
حب وصراع
لقا و ضياع
ننسي ساعات همومنا
وتتوه ساعات عقولنا
وهو دا .... طعم الحياه
نتعلق بالأماني
كل قلب عايش
بيدور علي قلب تاني
ولما يلاقيه
يفرح بيه
ويعيش معاه فوق الغيوم
لحظات سعاده كل يوم
وهو دا ... طعم الحياه
وتيجي ساعة من غير اسباب
تهرب الفرحة ويتفرق الاحباب
يسكت العصفور
ويرقص الغراب
بتختارنا في وسط الزحمة
وتطحن فينا بلا رحمة
وهو دا .... طعم الحياه
بنعشقها من قلوبنا
وبنحضنها في وقت عذابنا
ساعات بنقول امنا
وساعات بتزود همنا
وبين السعاده والهموم
بنحس بيها كل يوم
ونرجع تاني ونقول
هو دا طعم الحياه