السلام عليكم
موضوع جميل ومهم منكم
بالنسبة لمهنة الطب او الاطباء اللي وظيفتهم تخفيف الآلام عن المرضى
لازم يكونو في عملهم حذرين جدا ويحطو في بالهم ان اي غلطة منهم
ممكن تسبب حالة وفاة على الفور
انتي مثلا لو رحتي أي مستشفى حكومي في اي دولة مش في مصر بس
هتلاقي ان الاهتمام بالمرضى مش بالقدر الكافي وفيه أخطاء كتيرة بتحصل منهم
لكن لو رحتي مستشفى خاص ودافعه فلوس فيها هتلاقيهم بيعاملوكي احسن معامله
لانهم عارفين انك دافعه مبالغ وده في صالحهم فهياخدو بالهم كويس من حالة المريض
وعلى فكرة ساعات جدا لو رحتي عند دكتور يعالجك بطريقة غلط ممكن تسببلك اضرار
كتيرة على الجسم او العقل وغيرها ما تعرفيش هما دول متخرجين ازاي !!
بس اكيد بيبقى شغل واسطة وخصوصا لو لقيتي انهم متخرجين من جامعه خاصة
شغل الدكاترة مفروض ما يتحطش فيه الا العالم بالطب كويس
يعني من رأيي مش اي واحد يتخرج من كلية الطب يتعين دكتور لازم يعملوله امتحان
تأهيل لان احيانا بتلاقي دكاترة ما يستهلوش انهم يلبسو البالطو الابيض
والمهنة دي حساسة جدا يعني اي خطأ بيكلف كتير
واللي يستهال انه يكون دكتور لازم يكون قلبه زي لون المعطف بتاعه
ويكون بالنسبة للمرضى وسيلة بعد الله لتخفيف الآلام ومش لزيادتها
والله المستعان ..
شكرا ليكو على الطرح الجميل .. بالتوفيق ان شاء الله