[شاعر واسير الحب]

اقتباسالمشاركة الأصلية كتبت بواسطة حياتي ذكرياتالسلام عليكم


موضوع جميل منك يا همس وشاعر


اسوأ حاجه مش بتعجبني في مصر الزحمة الشديده مع عدم النظام


فيه دول كتيرة زحمة غير مصر لكن مع تطبيق كل فرد في الشعب


النظام الوضع بيمشي كويس وفيه رضا من جميع الاطراف


لكن السواقة في مصر جدا غريبة .. وتلاقي المسافات قصيرة


بس تاخديها في ساعه ولا اتنين من الزحام


يعني لو عايزة تروحي مشوار تحطي في بالك انك هتعدي مش اقل


من ساعة ونص او اتنين عقبال ما توصلي وخصوصا لو في القاهره بقى


عز الزحام بيكون الساعه 12 وبعدها كده ..


والناس في الوقت ده بتبقى ماشية تتتخانق مع بعضها


زحام + شمس حامية + تعب وارهاق بيخلي الناس متعصبة اوي ومدايقة


وما حدش طايق بعضه ..


واللي بيركب مواصلات وخصوصا لو اتوبيس ده بجد ربنا يعينه


بيبقى زحمة جدا وبتعاني عقبال ما تلاقي مكان فاضي


غير انك لما تخشي تكوني مزنوقة وكله مدايق وما حدش مرتاح


هي مصر ناقصة حاجه اللي هي الجراشات بس اصلا فين الاماكن اللي يحطو فيها


ولو لقيتي اي جراش في طريقة هتلاقيه خاص يعني تدفعي فيه فلوس


والمواطن المصري العادي مش هيرضى اكيد يحط سيارته فيها عشان


الفلوس اللي هياخدها في مرتبه هيصرفها على عياله ولا على عربيته !!

على فكرة فيه واحد طلع مرة وقال احنا جبنا مسؤولين من الصين

يحلو مشكلة الزحام في مصر قعدو شهرين تقريبا وبعدين اعتذروا

عن المساعده وقالو مشكلة الزحام في مصر صعب التغلب عليها !!

الزحام هيخف لو كل الشعب المصري اتعاون مع الحكومة على حل واحد

شكرا ليكي يا همس على موضوعكم

بالتوفيق ان شاء الله ليكم

نشكرك علي مرورك بالموضوع
نورتي الصفحة
بالفعل الزحمة في كل مكان وان زادت عندنا مصر لا نها عندنا انعدم نظام المرور لا يوجد من يوقف المعمعمة والزحام لا يوجد تعاون مع الشعب والحكومة بين الاثنين لا نهاء مسلسل زحمة يا دنيا زحمة
ولذلك في مصر غنــــــــــوا للزحمة

نشكرك
فريق العمل
شاعر وهمس