[P R ! M O]

الحب وما ادراك ما الحب بجد الكلمه ده احنا بنحسها اوى وعارفينها اوى فى مننا الى جربها وفى الى مش جربها
بس الحب معدش هو الحب كان الواحد زمان لما يحب يحب بجد وكان بيحس بالامان مع الى بيحبوا
وبيكون متاكد انه عمره ما هيسيبه ولا يتخلى عنه
الا فى اشد الظروف لكن دلوقتى الواحد بيحب وهو خايف بيبقه حاطط ايده على قلبه
ده خوفه بيكون اكبر من حبه كمان بيخاف احسن حبيبه يغدر بيه فى اى وقت
مهما كانت الثقه الى ما بينهم الا ناس قليله جدا هى الى بتكمل وبتكون سعيده فى حبها
دلوقتى الحب بقه استغلال للمشاعر والعواطف عشان الواحد يوصل من خلاله لهدفه ومطمعه
ليه احنا بقينا كده ليه كل واحد يروح يضحك على واحده ويسيبها يروح يضحك على الى بعدها ويسيبها هى ده شطاره مسيره ييجى اليوم واخته تتحط فى موقف زى ده ويشوف هو هيعمل ايه ان مدبحهاش
ليه بقت الدنيا مليانه غدر وخداع وكدب ومعدش فيها امان حتى الانسان الوحيد الى ممكن قلبك يتفتحله وبصعوبه كمان تلاقيه اول واحد يخونك ويغدر بيك ويكون بيكدب عليك كل ده تحت قناع واحد اسمه الحب لدرجه ان الواحد مبقاش معترف ان فى حب بجد الايام دى
طب ليه كل ده احنا ليه وصلنا لكده يا ترى العيب فينا ولا فى الدنيا بس الدنيا مكنش ليها ذنب فى اى حاجه ما الاجيال الى قبلنا كانت عايشه ومرتاحه وكل حاجه فيها ماشيه بسلام ولا ايام الرسول عليه افضل الصلاة والسلام هى ده الناس الى كانت بتعرف تمشى الدنيا زى ما هى عاوزه مش الدنيا هى الى تمشيهم
لكن احنا فين من كل ده مش دول قدوتنا مش دول الناس الى المفروض نكون من اصولهم وجدورهم ونكون زيهم
ايه الى حصل لينا وحصل لمشاعرنا معدش فى احساس ايه الى حصل فى الدنيا وايه الى وصل الحب لكده

ياريت تقولولى رايكم بجد وتقولولى ايه الحل فى ان الواحد يقدر يرجع يحب بجد من تانى ؟

واية الاسباب اللى خلت مشاعر الواحد بقت
حب تيك واى ؟!!