[عمرو اللمعى]

تليفونها غير متاح بقلمى

تليفونها غير متاح
عمركوا شوفتوا يابنى ادمين
عارف واحدة بقالى سنين
كل يوم مع بعض يوماتى
انا شمسها وهى حياتى
تبعت ميسد وارد عليها
وبعد ساعه نكون مع بعض
ايدى بتحضن كف ايديها
وقلبى بسرعه يرد عليها
ياله نروح لمحل الورد

تجرى البنت بسرعه معايا
وقلبها واقف وبيتخض


تليفونها غير متاح
وانا قلبى مش مرتاح
معرفش حتى بيتها
ولاخدت رقم عمارتها
لاعمرى شوفت اخوها
ولااعرف مين ابوها
ولا روحت عند بيتها


تليفونها غير متاح
ونا قلبى مش مرتاح
كانت صدفه غريبه فعلا
يوم ما قابلتها
من اول نص ساعه
حسيت انى بحبها
وبعدها بربع ساعه
اديتنى قلبها
وفتحنا كتاب حكايتنا
وكانوا اجمل سنتين
ايه دة يخرب بيتنا
مجانين احنا الاتنين


تليفونها غير متاح
ونا قلبى مش مرتاح

وفى يوم كنا بنتكلم
ومامتها قفشتنا
مش هقول كنا بنتالم
كنا فى غايه سعادتنا
كانت قصه جميله فعلا
وياقلبى كله راح
وجى الزمان

قفلها بالضبه والمفتاح
ومن يومها ياقلبى وهى

تليفونها غير متاح
وانا قلبى مش مرتاح
0


0



0



0

تيت تيت تيت
هذا الرقم غير متاح عاود الاتصال فى وقتا اخر


عمرو اللمعى
القناع الذهبى