[مدام / غادة]

الايام اهي ماشيه وسايره
وكلنا توهه فـ نفس الدايره !!
فينا ناس كانت عارفه طريقها
وفينا ناس عاشت تايهه وحايره ..!!
والدنيا دي بحر ومقسوم
شط الفرحه وشط هموم
لازم مـ الإتنين هـ ندوق
ومافيش حال على حال بـ يدوم
اصل الدنيا دي لو تعشقها
هتشوف ميـــ100ــت كدبه تصدقها
وحاجات تتمنى تحققها
وتتفاجئ انك موهوم ..!!
واهو حالنا وأحوال الدنيا
يتغير بين لحظه وثانيه
يمكن على بالنا حاجات تانيه
وإحساس غامض مش مفهوم ..!!
وفي واحد عاش جوا خياله
كان رافض واقع احواله
لو طال ينده واحد تاني
ييجي يعيش الدنيا بدالُه
وازاى نختار اللي عاجبنا
واحنا لا واخدين الا نصيبنا
وساعات تفكيرنا يعذبنا
مع ان دا كل دا محسوم..!!
ولإمتى هـ نِهرب من روحنا
ولإمتىَ هــ تِكسرنا جروحنا !
ولإمتىَ نخبي فـ ملامحنا
والآه فينا شعور مكتوم ..!!



،،،


من وحي قلمي

مشاعر قلم

غــادة إبـــراهيم